網誌分類：坐上火車去拉薩 |
圖片
網誌日期：2009-03-14 15:16
Day 6...超好天
好啦! 瞓左一個好睡覺.....一早就起身睇睇先.....
yes! 好天到不得了!! 美女團友一早就搞搞震. "好好天呀! 快D起身啦!!oh!拉薩!我真係安全到左啦!!" "死開!"
哈哈!! 我地真係唔知氣溫有幾凍,呢間房,好神奇,成晚又乾又暖! 我地一點都感覺到出面的氣溫!!
好啦! 好啦! 出門口開始去拉薩---hea啦! 實際係要休息一吓先得! 我地計劃好接下來嘅行程,可以有兩日hea 拉薩,之後去林芝. "good 啦! 動身啦! 11點呀!! 走啦! 幾點呀!"
去到去無晒方向感! 想去左八廓街行吓,又想去睇吓藏酒店!又想去搵香港人個間咖啡店! 又去問機票,又想食藏餐...咁多野要做架!!
一出酒店門口,我就畀賣菇商店吸引左我啦! 再轉入八廓街廣場....嘩!有無咁多軍警呀!又有軍車 ...勁! 超安全呀! 
書上所介紹的商店我地全部唔去! 在入口處(因為好多軍警封路) 去左一樓上藏餐廳食吓先!! 因為睇樓下有餐牌介紹食物,價錢合理!!
一上去就好有藏族的感覺!! 好有趣呢! 老闆介紹一樣藏麵給我地! 睇先好多藏民都食,無錯得太離譜的!! 有蕃茄..好好味呀! 6皮!
我地再問..知道有一間香港人開的咖啡店嗎 ? 不知道喔! 好吧! 可能不出名吧!
沿途走去找旅行社問機票... 哎!! 點解無一間開門嘅? 點搞呀! 唔通314後無人到拉薩? 當然啦! 遊客(外國人) 都睇唔到呀!! 好多人講拉薩好多"鬼"架! 我地真係一個都睇唔到..唔通真係時運高..係睇我唔到???
好吧走走看..八廊街並唔係今日杯茶...走啦! 如果唔係今晚都走唔到呀! 因為大家都已經開始.."買野啦!"
好決定去北京路走去! 哈哈!! 走入一間吉曲酒店-名酒店0黎架! 入去睇房係我地強項!!有小花園,又係藏式酒店又有3人房200人仔,不過"呀D能"就睇到廁所比較污衊...都係米啦!! 在告示板睇到.....風轉咖啡介紹..係呀! 係呢間啦! 快快抄吓地址先!!
走出酒店,就被一陣陣惡臭...我話: 佢地話正呀!!! 牛肉店....咪搞我! 你地睇啦! 我頂唔順! 就係咁....我地就開始傻左啦! 來到一間買..唔知真定假嘅野外用品店,嘩吓!有筍野咁喎!!!!
又就係咁你又睇,佢又睇,呀D能話...我都諗要上拉薩買衫架!!! 哈哈不得了!! 我地就係咁你又試,我又試,美女團友又試......就咁由2點玩到5點.....大出血呀! 買到一張機票..大家先捨得走...走啦! 再買,香港都返唔到架!!
大家唔係無錢咩!! 哈哈!!有野買連病都無晒!! 勁呀!! 大家終於大包小包咁走出來,你一言我一話,美人團友話好低呀!買到件心頭好! 再打電話問機票...都係2000人仔...!點算呀!我地無晒 $_$架! 唔包車去林芝囉! 好的! 好的!!!
話咁快大家就轉出去.......睇........哈哈! 原來風轉咖啡店係呢度! 咪開門?? 幾點呀!唔洗做呀!就6點囉.........."你地搵佢呀??" 聽到背後有人用廣東話講. 哈哈!兩名香港藉男子對我地講. 我問: 你未開鋪呀! 我地開6點架! 哦!!不過快啦!開唔開先?開就坐啦! 唔開就下次囉!! 開...........................! 哈哈! 入去啦!
遇上香港電波少年
一個廿多歲花嚫仔,兩年前跑到拉薩開咖啡店?? 哈哈!知道有香港人係度入去打個x,不過都主要目的,都係探吓路......佢見我地大包少包...買買不停買,開始肚餓! 另一方面,都想知道機票行程! 另一位香港人仔同樣係拉薩hea左3個月! 大家嘻嘻哈哈講吓笑吓!我地話機票好貴呀!要咁多咁多.....呀剛話可以上網幫我地睇睇! 好呀!!!!! 呀欣快快上南航網站睇! 哈哈...喂有快樂飛1030人仔,走唔走..走呀! 老闆剛話可以幫我地訂..oh!! 多謝你呀!!超平呀! 哈哈....你地唔算平啦! 呀欣下星期走,佢張......300(炸) 唔係嗎!! 咁平!! 所以呀欣已經無值口再留低....out!!! 傾吓講吓! 又有3位在拉薩 hea 暴電波少年..呀佳,米高同Tommy. 位位都好熱心教我地幾位老女拉薩民情! 教我地打平電話,介紹我地有什麼好地方好去! 講吓講吓!! 大家就約食飯,回頭見!
好吧! 再見8點啦! 因為呀欣快回港, 所以提議去"雪域" 哈哈! 好出名嘅畀鬼佬食餐廳!! 哈哈.....食西野就good, 食pizza,炒飯就無得頂,食中菜........就罷鬼啦! 糖醋豬肉....變成....五柳肉條!! 哈哈!!! 下次食川菜好D!
之後回到街上,大家又教我地3個傻婆去打電話!! 事關我地3個...用緊 "一路唔通" 哈! 都係開返中國移動張咭!!
分手是時候! 打道回酒店, 明天約去嘆甜茶.....好呀!! 呀拉索.....
回酒店!!! 開呀! 好平低呀! 好多收獲呀!! 你件衫好平,佢件又好靚喎!!!!!
哈哈!! 玩到兩點!!!
zzzzz 啦! 明天去大昭寺.........
繼早前與土司公坊合作過後，這次為屬於同一集團的 BreadTalk 拍攝商業照片。↑ 這次選擇在晚上拍攝，門面相片只是使......
20080605_macau_115.JPG
20080605_macau_114.JPG
20080605_macau_113.JPG
wing wing 2009-04-01 10:07
SORRY呀, 之前唔識用所以貼左好多張問題.
我想問定你地的行程駛費,咁下次去咪可以節省D囉,(今次都未去,就唸下次.有d大想頭哦！）
菠蘿姐_bB2009-04-02 00:29
哈哈!! 唔係呀! 好多人都好係你地咁架!
我地因為係淡季,所以比較平,全程用左$6000左右!
火車$1200 (深圳-廣州-拉薩)
住宿$120x6晚,二星酒店
門票 $300 (四間主要寺廟)
跟當地團 $700 (四天)
食用 $120x7 (早午晚)
機票 $1300-一般($2400-$3500) (拉薩-廣州, 特平)
其他車費 $ 300 (市內,去機場[拉薩, 廣州])
旅遊保險 $ 200
買手信同其他什項,就你自己預算!
希望對你有用喔!!
係咁多啦!
wing wing 2009-03-27 15:50
你好呀, 我係4月8 日都去拉薩, 但請問你地點可以咁平去西藏, 因為我同朋友咪去己經用8000 蚊啦,机票,火車票,租車,租住.所以好想請問你的各方面的錢係分配.
菠蘿姐_bB2009-03-27 22:43
哦....!! 你已經買左機票啦! 同火車票, 買到就好啦!因為3月份好似無得買火車同機票上拉薩. 如果你已經訂晒所有野....就唯有係食同手信方面入手囉! 食就唔好去市旅遊書嘅地方食,去一D平時藏民都去的餐廳. 各大寺院的門票都無得平喎...! 如果想食平野...哈哈! 可以搵風轉老闆...薯伯伯, 不過佢好似未返到拉薩,因為佢一定捉你去食宵夜架!!! 哈哈!!
其實我唔係好明你講嘅問題? 因為你已經訂好了! 沒有什麼好分配??? 或是你打預算用$8000訂行程費用呢??
mantak 2009-03-26 22:28
菠蘿姐_bB2009-03-27 22:44
Concrete your Abstract 2009-03-26 00:59
wow, your photos bring me back to my tibet travel also!!
nice photos!
菠蘿姐_bB2009-03-26 01:47