咁鬼凍都要去西藏-day 1上廣州

好啦!話明係坐上火車去拉薩

第一天

我地就浩浩蕩蕩上啦! 一早我地就已經買好由深圳去廣州的火車票,大家就約定在羅湖集合. 團友老公就送我地一程,另外一位團友就要入定食量(杯麵是也)9:30入左閘,就開始等火車,上左一輛最先進的和諧號,在車上就問定一陣是否可以唔出閘轉乘拉薩火車,她就說,到0左你向手侍廣播器的員工問吓! 哦!好吧!

11:30就到了廣州站後,話咁快就睇見個位小姐,向佢問...之後就一指,由一個唔似門口嘅門口入啦!

好啦!當然可以入去候車室.咁我地就唔洗再入閘啦! 搵搵搵..終於搵到拉薩的閘口,閘口原來有工作人員把關,你要持有火車票才可入閘,也不設站台票,好呀!夠安全.

唔係啦!見仲有時間,我地走去醫吓肚先,在一間功夫飯店食左套餐,買吓其他野食...嘻嘻!如:香蕉,杯麵,蘋果同買左一埇美味的家鄉雞就要上火車啦!!

oh yeah!!! I'm coming baby.....

坐上火車去拉薩, 一入閘,呀姐就問我地要健康証明紙,不過見我地抄抄吓,佢又唔問.見佢唔再問我地就走啦....奇怪!! 出左去仲奇...喂喂喂...唔見有火車嘅??係邊呀? 等我去問人啦! 請問? ...你地向有太陽地方一值行就係架啦! 哦! 好野..由車尾行到車頭.....15..14..5..3..2 到啦.到啦! 終於行到2號車廂. 上呀!!!

                                      好呀!  開始呢次五千里路雲和月

哎呀!!!!!!!!!!!!!

點解...點解會係咁架.....................!!

入到車廂......我第一個感覺就覺得好污穢,可能因為佢地用"杏加橙"色吧! no 呀!畀我睇度有毛頭係床舖上.e........! 哎呀!成車又爆晒,無計,睇吓一陣可唔可以補票換軟卧,不過問過唔得,因為現在電腦在聯網上售票,所以唔知幾時買出. 哦!好的!沒辦法,唯有開始預備收拾入住3天的床舖,我要下舖比較方便.

哈哈!唔知係唔係怕悶呢!大家帶左超多零食上車!食物之多,可以放滿一個大行李袋.好勁呀我地嘻嘻哈哈!..好快就過左幾個鍾,下午18:00就到左湖南省嘅長沙站,飛咁快落去行程中第一站,影呀!影呀! 返上車我地開餐啦!之後去吓其他車廂睇吓八吓!我地都算好彩啦!全車除了軟卧之外,我地個卡車已經係好乾淨啦!因為其他的都係食野食得好污穢.車輛中分別由餐卡來分隔開,硬坐不可以通過卧舖地區.而餐卡就提供早,午,晚同宵夜.

     火車上洗滌的一角

無無聊...9點關燈瞓啦! 咁快!我係夜鬼當然無咁早!坐吓睇吓!   好快23:24又到第二站湖北省的武昌站!

嘩.............!大鄉里呀!!!! 好靚呀!點解唔係上次去武漢睇到個果??!! 火車係呢度會換第一次火車頭,師父話:一共會換5次火車頭,因為佢都會倦怠的!!對呀!對呀!!

好吧回火車zzzz!!

好期待明天的風景..