一片空白...

有d覺得自己唔係幾清醒咁...
請問邊位可以幫手叫醒我...﹖

我個腦而家諗黎諗去...
都係諗緊個平面圖...
可能真係有病...

其實而家都未知揀唔揀到樓...
已經發緊夢自己搬左新屋啦...

************************************

我上一次搬屋... 係我一歲前發生啦...
我完全無印象...
剩係久唔久d姨媽姑姐都會提起...
話當年d大人掛住搬屋...
放左我響地下...
咁我果時又未識行...
我咪爬下爬下...
跟住見到牆上有舊野有兩個洞...
咁我咪傻下傻下...
插左兩隻手指仔入去...

哈哈... 跟住... 咪電到我差d瓜老襯...

無陰公... 我差少少就係咁... 享年一歲...

其實我對呢件事全無印象...
不過細個時手指上係有少少疤痕... 加上d大人久唔久都會提起...

跟據我搜集番黎的資料...
當年我俾果兩個洞電到我發左狂咁大叫...
我住8樓... 可靠消息話當時我老豆響樓下電梯大堂等緊電梯...
都聽到我大叫...
我都唔知真定假...

************************************

今日又有d痰... 幾聲咳咁...
不過唔理啦... 我繼續發夢先...