神奇雙俠-大食之謎

由於家内係遊記經常吹噓一日食0左幾多餐,最多果次講食0左七餐,如此駭人聽聞當然嚇到一眾有睇遊記0既blog友,雖然我地旅遊期間的確會比平常在港食得多,不過講穿0左好多餐都只係一啲小食或細份量輕食,如果係後生果時我的確係幾大食,不過年紀漸大已不復當年勇,但如果係去旅遊(尤其是係日本)我地係會出盡底力食盡佢,一日四餐(早、午、晚、宵夜)已經係基本,另外見到有咩想食0既小食或輕食,如果食得落都會一一通殺,因為一年先得一次外遊機會,真係唔想錯過任何一個可以令旅程多一點回味0既機會,不過係多次旅程之中的確有幾次真係飽到想嘔,但就算如此我地依然會繼續,其實我真係唔介意比人話大食,因為呢個係事實,以下係一啲大食事件薄,但其實都係冰山一角........!

當年係新宿大黑屋食燒肉放題,比個事頭婆問我地:你地係邊度0黎0架?

食完上面間sushi因為家內話麻麻,即時走去對面間pepper lunch再食,跟手再買兩件cake番酒店食!

食完和牛漢堡唔夠喉,又去食餃子!

係上野食完魚生飯再食pepper lunch!

食完一蘭再0黎燒八爪魚丸!

呢個係一般食量!

一人一個全蟹set,唔係個個頂得住!

はな牛亭すき焼き放題,塊塊牛都面咁大,而且味道不俗,可惜已結業!

美瑛太陽花拉麵,招牌叉燒拉麵真係好食到無0野講,但碗麵真係好飽....!

到吉祥寺牛肉球都可以唔食,但必食呢檔燒八爪魚丸,咁又係七餐其中之一!

臨上機果餐都要去"喰喰"食燒肉放題,問你怕未!