婚事大躍進...!!!

睇見BD既時間越來越近...我地既"to do list"好似無咩進展吓....上個星期六，日....我地好有效率地攪掂左好多關於結婚既item啦...!!

星期六....放左工後...我約左Kelvin一齊去旺角行....去睇結婚介子....終於都俾我地搵到一對我地都好歡喜既介子啦....!!!我地都覺得對方帶得好好睇....於是決定買啦...!!哈哈...!!估唔到對結婚介子要到BD前兩個月先搵到....!!由於要訂做既關係...所以要11月尾先有得攞....到時先影俾大家睇啦..!!!

之後就返沙田既奇華訂唐餅...用來10月18日過大禮用既...媽媽話要攞D"實物"來先夠高興喎...所以佢要左20斤"現成"唐餅...都有成80個餅架...到時可以請D親戚朋友...街坊食啦...!!不過"過大禮"個日...Kelvin就要一早過來攞唐餅....辛苦哂你啦...!!

星期日....終於到我地雙方父母見面既日子啦....!!我開頭都有d驚架...怕大家無咩野講...好在...有我呢個"健談...風趣...活潑...咩都啱講既媽媽係度...."所以個氣氛都唔錯既...我地坐底之後..就叫左d點心食...!!

d點心同個炒河都好好味呀...!!BD個晚我未必有機會食哂咁多味菜....咁多位..食完之後記得話返俾我知....好唔好味呀...!!

最後仲有糖水食tim呀...!!

木瓜雲耳

核桃露

楊枝金露

食完呢三款糖水...我地決定BD個晚要..."核桃露加湯圓"...因為紅豆沙食到悶...楊枝金露係凍既...唔係太好...!!至於美點雙輝要咩就仲諗緊...!!

最後問埋經理...攞埋D帖...就走人lu...!!!

咁多位....過左18號之後....你地隨時會收到我既"炸彈"架啦....!!!

ho ho ho....!!!!