半黑店姊妹裙

今日約好D姊妹去百利試姊妹裙，我一早比晒錢，HOLD 左個平價($150/短、$170/長)，大家都話好低啦，原來真係一分錢一分貨既，呢間都係半黑店黎嫁，我一早比左$600 四條姊妹短裙，跟住我加多一位姊妹電話問佢都話可以HOLD 返舊價，好啦，齊人就上去簡款啦，我D 姊妹話大家著同一款衫影相會靚D，我當然歡迎啦，跟住簡到一件大家都鐘意時，個SALE 突然話。。。

SALES：你地要五件唔可以同款WOW，如果要同款就要買走先可以訂造喎

我：但之前問過，租係可以唔同款又可以同款喎

SALES：我地無講過喎，你五條咁多好難同款喎

我：下?? 五條都多呀??

SALES：係呀，我地D款每款得一條，都有部份有五條以上既

我：咁係咩款，比我地望下

SALES：好似租左出去喎(佢搵到唔去搵下)

我：??? 咁即係無???

SALES：係呀，租左出去無得睇啦，今日睇唔到，咁一係你地買啦，買可以訂造

我：咁幾錢呀??

SALES：你自己睇個價目表啦

我：(我大約望到5條以上$300(短)，$390(長))，咁分明屈我地買姐，以平價衫吸引我地落搭。

SALES：唔係咁，因為租係唔可以同款

我：我從來都無聽過，一係你退返錢比我啦，我唔想係你地度一路比錢落去

SALES：好，退返比你啦(好好既態度，唔知係咪舖頭有好多客呢??)

佢肯退錢所以我就話佢係"半"黑店...HAHA，之後我地就去左第二度簡衫，$250訂造，可能我班姊妹見貴左成百蚊，所以佢地叫我津貼佢地$150 就得，我當然唔會啦，但你地既果份心意，我已經好開心啦，佢地仲話要襯埋一SET 鞋添，HAHA，跟住去食味千，勁肚餓啦，辛苦晒啦姊妹們