異國情緣 - Punishment

這個標題，我自己睇到就好多笑，因為我諗起痴線鬼佬而家個樣，我就好想笑！

從前有一日，我為咗一件小事發脾氣，當鬼佬打俾我時我拒絕接電話，短短兩個鐘佢足足打咗廿幾次俾我，我一次都無接，最後我收到一個SMS：

" I'LL PUNISH YOU FOR NOT ANSWERING MY CALLS,TAKE CARE"

每次對方小器或者無理取鬧，痴線鬼佬同我都會罰對方，哈哈！相隔咁遠，有咩可以用嚟做懲罰呢？好簡單，就係傾電話！基本上我同佢每日都要傾幾次電話，當中唔需要有特別既話題，就係聽到對方把聲，叫對方幾聲HONEY，話俾對方知你有幾掛住佢就已經開心半日！雖然有時又會鬥下咀、嗌下交，不過收線前通常都會和好。

那次，我被痴線鬼佬罰咗我兩日唔傾電話，佢衰到連SMS都唔覆我，搞到我勁無奈！不過都係佢衰，係佢寵壞我～

前兩日，鬼佬去做GYM，我叫咗佢返到屋企打俾我；因為有時差成６個鐘，香港凌晨兩點幾，佢先剛開始TRAINING，佢先打俾我叫我去瞓唔好等佢電話，但我仍然要求佢返到去打個電話俾我，等我知道佢返到屋企，佢話OK，收線前仲我...收線後我就去！

當我再醒，已經係第二日早上十一點幾，我仲好緊張咁睇個電話，以為自己尋晚無接佢電話，仲怕佢會嬲，點知個衰人原來無打俾我，哼！應承我既野唔做，後果自負！

結果我同佢講 " I'LL PUNISH YOU "   

痴線鬼佬 "YOU CANT..."

佢睇死我心軟，一定唔會嬲得佢耐，只要佢打俾我，我就會接電話！無錯！尋日我堅持咗一日，點知佢半夜趁我瞓覺又再打嚟，我一時唔留神接咗佢電話，佢鬼咁開心，仲笑我：I TOLD YOU ,YOU CANT PUNISH ME BECOZ YOU MISS ME TOO MUCH !!

我唔抵得頸，心諗唔可以俾佢睇死，我答佢：OK , LETS SEE...

今日佢好早起身，一起身又打俾我，我當然無接佢電話啦！佢SMS我問我去咗邊？我話我去咗食野，一陣返屋企，佢好緊張，又話我係咪約咗第二個BOY FRIEND，哼！想扮激動等我接電話，好難喇！我係唔會中計o架！

尋晚我話" I'LL NOT FORGIVE YOU EASILY,I MUST PUNISH YOU THIS TIME" ，

佢仲好得戚咁話 " IF YOU CAN PUNISH ME ,無問題！"

不過頭先黃昏，佢開始按捺不住，又電話又SMS，哈哈！所以我諗起佢而家又無奈又唔知點好既樣，我就好想笑！睇佢下次仲敢唔敢唔做應承我既野！

可能你地睇到覺得我地兩個好無聊，但我同痴線鬼佬就係咁相處！

待續...