澳洲(australia)之旅第二站>>開恩茲(Cairns)(四)

到達目的地嘅時候都已經係正午12時30分了。我哋先吃過午餐，然後再坐半潛艇(約半小時)，之後再玩水底綿羊仔(約20分鐘)，最後才玩半浮潛。

半潛艇﹕

每半小時一班，我哋食完飯就坐1:30分出發嘅潛艇，隔住玻璃窗睇水底嘅景色都唔錯，但唔知點解啲珊瑚嘅顏色都唔鮮艷，很像枯萎嘅樹枝咁，並不是想像之中咁靚(睇電視那些珊瑚是五顏六色的)。偶爾也會見到有一群群魚喺度暢泳。

水底綿羊仔﹕

要落水底，可以選擇玩水底綿羊仔，因它難度不高，不懂游水也可以，只需帶上一個好似太空人嘅面罩，就好似喺陸地上一樣呼吸就得啦(而且1個教練只會帶兩個人落水)。但要將個頭伸入個面罩度，首先要閉氣潛入水中再將個頭伸番入個罩裡面就完成了(起初我都好緊張架，因我不熟水性，但原來會有人幫你手的)。當個人坐好之後，教練就會拉你同部綿羊仔落水底，喺落水底嘅過程中，個教練會不停提你”煉”住個鼻不停噴氣，因為要減壓。起初我隻耳有少許耳鳴，但做完減壓動作後，就無事了。今次為了這次大堡礁之旅，我專登走去買了個防水機袋用。話說離開hk當日，我放工之後便四出找尋潛水機殼，但一個都要成千幾蚊(心諗用幾個鐘就成千蚊，而之後又會很少用得著)當正想放棄的時候，我的朋友就隨口問有無其他可以防到水嘅物品，這時個sale才介紹我哋買防水機袋(就係因為要買這個機袋，而令到我當日成四點幾才回家收拾行李)。其實我都驚佢會唔可靠架，話曬我部canon新買無耐，整壞左就唔係咁好啦。但又幾得喎，落到咁深都無問題(當我上水嘅時候，有個老外問我work唔work架?!)，而喺水底裡面，我同朋友不停把部相機傳來傳去，因要幫自己影番張相留念，其實都幾驚自己接唔住部相機被啲水流沖走就慘囉。我哋喺水底行左一陣，其實都唔係太知自己見過啲乜，因自己掛住影，只係記我得有好大條海參(教練比過我哋摸，其實我唔係咁想摸，但佢就係咁遞過嚟叫人摸)、有啲人喺度玩緊潛水……

教練帶我哋行埋去啲珊瑚礁旁邊，起初以為自己隻腳會點到啲珊瑚，所以就不停縮隻腳上去，但原來我哋離珊瑚嘅距離都仲有一段…….                20分鐘好快就過完了，整體上我不會推介其他人玩，因沒有足夠時間給我們拍照(在珊瑚礁旁停下來影張相都無)，而且同坐半潛艇嘅景無分別，只不過是在水中同在船中嘅感覺罷了。全程都是教練拉住你部綿羊仔游，只有短短數分鐘是自己控制方向行。