廈門、土樓四天之旅(一)

原本都無諗住寫返這次廈門之旅出嚟，因為除了土樓之外，就沒什麼好寫了......但點知這個短短四天的旅程，竟然令本人大開眼界........

事前準備﹕

由於時間緊迫，所以喺短短2-3日嘅時間內就決定去那兒及參加什麼旅行社。其實土樓對於本人來說較陌生，所以本人不停上網看看有關土樓的資料....雖然係咁，但都分唔清什麼土樓打什麼土樓，因此都唔知參加什麼旅行團。最後看見"慳儉"那個團很抵玩，四天$1335，仲要係坐飛機去......咁Q抵，簡直難以置信!!!!!啲人成日話平嘢無好嘢，所以我對於這次行程都感到有點兒擔心.......

第一天

12:20才乘廈門航空出發去廈門(廈門航空對於本人來講真係很陌生呢.....很驚會出事哦!)。上機後，空姐替每人量度體溫，由於我坐於窗口位及機上的冷氣還未開，所以本人開始感到很熱。到空姐替我量度體溫時，竟說我有37度，於是要由另一空姐替我量體溫，最後都可順利通過。                       

客機終於安全降落，此時中國的檢疫人員上機替每人再次量度體溫，全機順利通過檢察，於是大家便下機坐接駁巴士去機場大樓辨理入境手續。當我排隊等CHECK証件的時候，已經滿頭大汗.....當到我CHECK証件的時候，竟然被紅外線CHECK到我的體溫過高，於是被人送到另一檢疫站再CHECK多一次體溫，可能這次體溫都過高，所以啲檢疫人員又叫我坐埋一邊量多次體溫，等了約10-15分鐘，一位檢疫人員用電筒照我個喉嚨，睇吓有無發炎之類。可能我本身個喉嚨都唔係太好，所以今次由另外一位護士再照我個喉嚨，或者我個喉嚨真係有問題掛，最後再由另一位高級少少的人睇我的喉嚨，並問我個喉嚨有無什麼不舒服(其實我真係無問題喎，於是我咪如實作答囉，點知條友仔竟然覺得我講大話，佢再3問我有無去啲人多嘅地方如酒吧....由於我的答案都是一樣，於是佢很不耐煩地叫我去另一間房等。)入到另一間房後，完全無人解釋俾我聽要做什麼....只見房內坐了5-6個人(和我同一情況)，當我再望望張海報，才知原來要做一個快速H1N1嘅測試。(心諗﹕唔通要抽血?!我未抽過血，咁多人坐喺度，其中一個會唔會有H1N1架?!很驚喎!)好彩原來只需抽取口水樣本便可，但護士用枝很長的棉花捧在我的喉嚨邊狂"new"，險些令我反胃吖!!!!好彩抽完樣本之後便可走人，唔需要再等結果出嚟(因為30分鐘後便會有結果)....否則都唔知點跟番個團。整了大半個鐘，終於都可以出發去玩了。(雖然自己覺得好正常，但當時其實都好擔心自己係咪有H1N1，如果有咪要全團人被人隔離7日囉......好彩最後都無事)

第一日行程其實都係去一啲景點影吓相咁....沒什麼特別(而且我已經忘記那是什麼地方了。)影完相便去吃晚飯了(5點半吃，都唔知係TEA TIME定DINNER)，今晚餐飯都算可以接受啦.....今晚酒店很乾淨企理，比想像中好很多，一點恐怖感覺都沒有.....

P.S..其實大陸啲人駛唔駛咁緊張呀，一體溫高就緊張到死(唔係話你哋咁做唔好)，只不過係唔該你哋開大少少個冷氣啦，真係熱到出汁.....唔病都變病啦!!!!!另外我都唔明點解要我量咁多次體溫、望咁多次喉嚨，一早做個快速測試咪得囉，仲要問長問短，點知最後都要去攞樣本做測試......煩!