奧運

可惜我最近太忙喇，根本冇乜時間去留意,奧運開幕果晚又要考試…
好彩都睇到開幕式既重播啫~

其實我本身好欣賞李安既淡淡然、清雅既風格，
所以，當初知道最終係由張藝謀負責開幕式既時候，
真係有 d 失望…

不過，睇完之後就即刻改觀喇！

我既感覺係︰好感動！

亦都好佩服張大導，因為只有佢先可以做出呢個效果，真係好有中國味…好表現到中國既文化！

其實有好多幕都好鍾意…
但係我覺得最令我感動既，係由活字印刷所做既「和」字。
「和」既意義好重大，而中國人亦都將呢個「和」做得最好！其實呢個世界咁多個國家，有邊個可以有 50 幾個民族，都能夠和諧共處？

雖然有自治區、有「藏獨」事件，但係整體上，中國係一個好能夠體現民族融和既國家。雖然仍然有階級觀念，但亦都係「歧視」觀念最少既地方！

突然之間，比奧運開幕觸動到我既愛國情緒~
哈！嗰種「我係中國人」既感覺好強烈！
好 proud of being a Chinese！

真係好神奇…
可能呢d 就係奧運既魔力喇！haha~