八月壽辰- 爸爸篇

亞爸生日既正日係星期日, 但係亞媽話個日係唔好日, 所以星期五就要提早同亞爸做生日, 係internet 睇下食評, 左睇右睇, 要揀d近屋企又經濟, 最後楝左利舞臺既客家好棧, 食評都話ok, 但係係d服務差d, 就算訂左枱都可能要等. 基於以上既意見, 我同大帥早15mins去, 7:45pm到, 但係都無人等, 我地都係等一等就入得, 而上菜速度都好快, 食物都好味, 價錢的確實惠, 5個人都係$418埋單, 叫左魽魚兩味送咕嚕肉, 半隻雞+$10有xo醬炒雙蚌, 饅頭半打, 茶粿半打,兩位陳腎湯, 食物都好有鍋氣, 但係俾茶粿累事........其實服務人員們個個都幾有禮貌, 除左門口個receptionist, 可能因為好爆既關係, 佢地個個都做到一頭煙, 忙到停唔到手, 以致有好多疏忽. 另外就係食物既溫度問題, 冷氣勁大, d餸好快凍哂! 係趕客技倆定係員工太熱?? 總括而言, 客家好棧係可以再去既~~~

膠碗, 膠柸, 膠碟,膠膠膠膠膠..............