幫？不幫？

上上星期，派了學生L的考試成績單，那是一張不合格的成績單，訓話一頓後，我問：「使唔使我同妳媽咪講會好啲？」當時她媽媽不在家。她話不用了。

今次上去，見到她媽媽笑笑口，咦？按平時應該不會這樣吧？細聲問學生L，原來她未告知結果給媽媽﹗﹗﹗我話：「不如我而家講啦，唔使妳開口先啦。」她一個慘模樣：「唔好啦，過咗聖誕先啦，好唔好呀？」唉，又來呢招，我話：「我唔會講大話架喎。」「求求妳啦。」「我可以唔出聲，但妳媽媽問到我都係照講。」「得架啦，佢都唔會問。」又真的沒有問。

唉，都不知道是否真的幫得落。我想話，之後，一樣要講，後果一樣。