今日真「黑仔」

趁今日冇功課我就打下blog啦!

今日好黑仔呀...簡直係一個不詳的日子

不過係我講之前要講件事

就係近排我地班有一個潮流,咩潮流呢?

就係我個英文名Selina Chow

我班的同學依家十分之鐘意講Selina Chow Selina Chow Selina Chow

每日至少講10次...特別係英文堂

我唔明白佢地做咩囉,成日都係咁狂講

本身我都由得佢地講,都廢時同佢地嘈

但係依家反而變本加厲

特別係果個李美珊...實在太乞人憎啦

佢就係我今日黑仔嘅起原

佢係第二間學校入黎都可以咁串,有冇搞錯呀

話哂佢都係新生喎,佢都夠膽亂黎

今朝上完音樂堂,然後我就出去排隊

跟住佢就走埋過黎,然後同我講

「Selina Chow Good Moring!Selina Chow Selina Chow借開啦你!」

我自問我冇阻住佢,跟住佢就係咁講,一d禮貌都冇

佢本身已經成日講我英文名,但係我都同佢算啦

點知依家好似我得罪左佢咁..有冇搞錯呀

於是我終於忍唔到啦,發起脾氣上黎

我都未試過對住同學咁嬲,咁大火氣

我撞去佢果度,跟住同佢講「唔好阻住哂啦」

可能佢見到我都幾大聲講野,因為我平時我都唔會咁

跟住佢就閃左人...個樣仲要好似佢冇錯咁

唉~心情真係極之Down!

另一件事就係我視藝堂要同何雞俊一組

我唔要呀...其實一直都係佢自己一相情願,

我跟本重頭到尾都冇鐘意過佢

好煩呀...d同學成日都係咁講,但係一直都冇諗過我嘅感受

佢地唔信我都冇辦法,把口生係佢地度,我都冇辦法阻止

但係我唔出聲佢地就講得更加西厲

我覺得好委屈呀....

你說我該怎麼辦?