【如何發現狗狗腰椎椎間盤突出】

有養狗狗既主人, 要好好照顧你們既愛犬啊

好多時聽D狗主話，狗狗整親條腰、扭親、後腳無力、行路好怪、生骨刺.....
其實，狗狗有可能係患上《椎間盤突出壓住神經線 - 腰椎椎間盤突出》

點解有呢個病?

如果你所養既狗狗係北京、西施、臘腸、歌基、八哥，就要特別留意！但當然，也有例外的品種！
因為狗狗會發生D個病，通常與品種和遺傳有莫大關係！
狗狗的脊椎中有很多節椎間盤，而椎間盤內是含有一些稱床軟組織的物質(像啫喱般的物質)，
如果椎間盤內的軟組織提早老化，就會變得容易擠出椎間盤外壓住神經線！
而狗狗日常生活亦會加快軟組織老化 及 突出，例如：跳躍、上落樓梯、過度攝取鈣質等....

而另一個情況，就是狗狗突然受到撞擊，令到椎間盤受到擠壓，都是成因之一！
如果情況嚴重的就要做手術！



呢個病分5級：

第一級：
腰痛、唔中意人掂、身震、胃口差、性情轉惡、唔跳唔跑、唔願郁！
【通常醫生會開止痛藥比狗狗食及困籠兩星期觀察情況會否變差】

等二級：
病徵，同第一級差不多，但行路時會好似飲醉酒，開始後腳無力和後腳感覺好慢，喘氣。
【通常醫生會開止痛藥比狗狗食及困籠兩星期觀察情況會否變差，
但亦有個別例子需要做手術，例如服了一段長時間的止痛藥無好轉、又或者痛得好厲害！】

第三級：
喘氣，後腳無力、企唔穩、行路拖住行、反射神經及後腳感覺變差、狗狗好似唔知自己有後腳等.....
但狗狗仍然應覺到痛楚，會知道好痛！
【這個時侯，止痛藥已經起不了大作用，主人應該要考慮同狗狗做手術，而且要有心理準備情況會突然變差！】

第四級：
同第三級差不多，但開始會失禁，無法控制尾巴，後腳痛楚感覺開始遲緩，甚至已經唔識痛！
對下身所受既外來刺激已經感覺不到！
【這時侯，狗狗要做手術！而且越快越好！過了病發後四十八小時黃金時間，就算做手術，康復率都會減低！ 】

第五級：
狗狗後腳已經無任何痛楚感覺。下身完全處秒癱瘓情況！大小便已經不能控制！
【如果去到五級，狗狗必須24小時內進行手術，若錯失這個機會，狗狗會永遠行不到。】

第一、二級可以困籠休息和食止痛藥，但要注意，食藥只是止痛用！
【止痛藥有分類固醇和非類固醇成份，兩者會有分別！最好問問的醫生】
值得注意的是，食左止痛藥，就算止到痛後，椎間盤內的軟組織是無法縮回椎間盤內！
之後觀察兩星期有無變差，但若穩定，狗狗可以放監，但要慢慢，不能跳。
若食藥後情況仍然變差，主人要有心理準備，有可能要做手術！



有陣時聽見D狗主話，平時睇開個醫生話呢個病冇得醫，狗狗需要人道毀滅！
又或者醫生會建議幫狗狗打兩支高劑量既類固醇針，甚至吊一D好貴，又話幫助骨的藥DxxO！
但結果係冇好轉！甚至情況差左，這樣只會拖慢了病情!
【類固醇有可能會引起副作用（如肚瀉），而且對此病沒有實際幫助！】

其實係香港係有獸醫識做這種手術，但要小心選擇獸醫，這種手術不是小手術！

脊椎神經科手術，並不是一般手術，有咩差錯，狗狗一世都行唔返。
這個手術並不是在骨頭上做，而是在神經線附近或下面做！
所以醫生一定要訓練有數，這不是一般骨科手術，一定須要受過特別訓練！

當狗狗有了這個病，決定了做手術！獸醫首要是要知道狗狗邊一節椎間盤出現問題而確定開刀位置！
而確定方法暫時只有兩種：
打顯影
照磁力共振（MRI）


究竟兩者有什麼分別呢？

打顯影：
是一種比較古舊的方法，風險很高，比較危險，唯一可取就是價錢平！
經全身麻醉後，獸醫需要在動物的椎間盤與椎間盤之間的有限位置，注入顯影劑【一些類似螢光劑的物體！】
之後等待一段時間讓顯影劑滲入神經線著色，之後再照X光機，反射出影象！【單是x-ray是看不到神經線的。】
如果在打顯影期間，打的位置不正確【例如錯誤地注入神經線】
輕則一世行唔返。重即會死亡，因為有可能打中中樞神經。

照磁力共振（MRI）：
是一種比較新的科技，同樣需要全身麻醉！
但過程會比較快及安全，需時約只須十五分鐘！
只要將狗狗放在儀器下，儀器會照出不同角度，之後就會清楚見到邊節有軟組織突出壓住神經線。


係香港話自己識做脊椎神經科手術的醫生：
（一）受過特別專業訓練，而取得專科文憑的【專科醫生】
（二）有有關手術經驗的醫生【骨科醫生】
（三）好喜歡嘗試不同手術的醫生，勇於嘗試【但係咪真係識做就天曉得！】

其實大家可能唔知道，骨科手術和脊椎神經科手術的分別！
骨科手術，當然手術位置大部份都在骨頭上做的。也有他的難度！
脊骨神經科手術，係在神經線附近做手術，所以難度會高D！


最後有幾點可作參考：
．減少跳上跳落
．抱狗狗時，不可以只捉前手，應抱胸及pet pet，盡量腰骨要平
．不要食鈣片or 鈣丸，.一般成犬狗糧鈣的成份已經足夠，食得太多鈣，有機會膀胱生石或腎石！
甚至令骨頭變得脆弱。好多時D主人會唔會食多D鈣會對骨好，呢個觀念係錯！狗和人係呢方面係唔同。
唯一一種情況下狗狗須要食鈣，就係狗媽媽生了好多狗BB，D BB食奶食得好勁！
呢個時侯，就可以俾鈣狗媽媽食，又或者俾BB狗糧餵狗媽媽，因為BB糧鈣的成份會多D。
．儘量少行樓梯
．不鼓勵做（請請）動作
．不可太肥

希望可以減低病發率！但男仔狗比女仔狗，男仔病發多D。

-------------------------------------------


【椎間盤突出壓住神經線】PART 2


好多時D主人問，點解點隻狗膊頭，會大叫，前手無端端吊起【有D主人以為斷手】，又或者條頸好似緊左、好似短左兩吋，『會唔會係訓矮頸』？又唔會唔係扭親條頸？又會唔會係風濕.............？？

其實有機會發生的可能性係：椎間盤突出壓住神經線這個病，因為這個病可以發生係腰椎（腰骨），也可發生在頸椎（頸骨）！
同腰椎一樣，也是牠們的椎間盤內的軟組織突然爆出，壓住神經線，就令牠們行路時怪怪的，頸部非常痛楚。一但前肢開始企唔到，就好大機會要做手術！


一般有機會發病的狗品種：
芝娃娃、北京、西施、臘腸、迷你品、松鼠狗等 ，病發時間6歲或以上。當然有例外的 。 大型狗狗也有機會發生！


頸椎痛的級數也分為5級：

第一級：行得走得，但突然會大叫，唔知邊到痛。【好似全身都痛】 ，但只要細心觀察，就發覺：
條頸縮起、條頸好似腫左、緊左，頭不願抬起，不願think個頭，又或者個頭郁到某D角度會大叫！只願跳上，不願跳落！

第二級：有機會有第一級病徵，但明顯是：前腳行得比較差，開始腳軟，怎至不願企，又或者有機會吊起前手，也有可能前手屈曲而行。 狗狗會喘氣現象、身震！無胃口！

第三級：前腳已企不到，但仍然有感覺和有痛楚反應！好多時痛到係到大叫！係一邊『有d主人以為係抽筋or中風，有機會四肢崩緊』， 狗狗喘氣現像、身震！無胃口！

第四級：前腳已企不到，怎至後腳都無力企，但已無感覺，還有少少痛楚反應！ 全身非常痛楚！好像一隻被人點左穴道的狗狗。

第五級：全癱，四肢無感覺也無痛楚！ 開始透氣出現困難、身震、無胃口！


一般治療方法：
第一級，狗狗不可做據烈動作，要休息和服食止痛藥，減輕痛楚，食藥只是止痛【止痛藥有分類固醇和非類固醇成份，因類固醇藥，會容易令腸胃有潰瘍情況出現，最好問你的醫生】，不過椎間盤內凸出的軟組織，係不會縮回椎間盤內的。

其間，餵狗狗食飯時，最好將碗放的位置，和狗狗的口作一個水平線，不要狗狗dup頭進食。而且餵狗狗食藥時要小心，不能強行將藥 放入口內，這樣做，會容易傷到頸椎。最好放入食物內。
其次，不可洗耳仔，不可沖涼，不可跳上跳落【特別是跳落】。這些動作有機會令頸椎痛惡化。

第二級，服藥後3至4日都無好轉，狗狗仍然非常痛楚，這樣就好大機會要做手術！因為頸椎第二級就等同腰椎第三級。

第三至四級，盡快做手術，康復機會會越快。

去到第五級，就要醫生平估後，只知道手術還可不可以幫助狗狗。
頸椎要去到第五級，係須要一段長的時間，和腰椎不同。腰椎可以在24小時內，由第三級去到第五級。
如果狗狗頸椎痛去到第三至四級時，其實就不要再施。


香港係有獸醫識做這種手術，但要小心選擇獸醫，這種手術不是小手術！
相比腰椎手術更難做。

頸椎神經科手術，並不是一般手術，相比腰椎手術更難做。
有咩差錯，狗狗不單只一世都行不到，還有機會死亡。
因為頸骨手術，係要在頸前面做手術，醫生要好小心避開食道和氣管，只可以找到一個小小位置做手術。
【詳細情況，當然要問專科獸醫啦】

不幸如果狗狗有這種病，當然要一個有這方面經驗的醫生去做。
當然要找一個受過特別專業訓練，而取得國際認可的專科文憑【專科醫生】去做。


除此之外，有些病和頸椎痛病徵很相似：

腦膜炎、神經線發炎、神經線腫瘤、腦幹腫瘤！他們的病徵和頸椎痛的等一級很相似！

所以主人發覺狗狗有這種病時，就要帶狗狗去睇醫生！
當然要找個懂得分別這樣的病的醫生！