蚊姐@過大禮@大日子

20-9-2009(星期日)--蚊姐過大禮

呢日係蚊姐過大禮的日子

中午時份未來姐夫就同佢細佬嚟到蚊媽喥提親

佢地去到屋企樓下就打電話比我，因為我充當拍攝者幫佢地拍低當時心情呢

估唔到阿姐夫都幾識搞笑呀hahahaha

3個紅噹噹的籃子，裝滿好多提親的物品呀~

有生果呀、海味呀、中式糖餅等等，重有意頭好的利是封啦~~

傳統的過大禮好似新娘應該唔出現嘅，不過我地係新派所以都唔係跟得太足囉~

大家重開開心心拍照留念添呀~

16-10-2009(星期五)--蚊姐大日子

16號就係蚊姐結婚大日子，而我呢個細妹就擔當佢的伴娘

有過一次做伴娘+幾次做姐妹的經驗，其實都駕輕就熟嘅

當日我都好早起身呀，凌晨4點就起身，6點鐘就同埋潘媽潘姐一齊返蚊媽喥

因為潘媽幫家姐做上頭儀式呀!

蚊媽check過話朝早6點先係吉時，所以上頭儀式就係朝早進行

進行完就開始化妝set頭換衫，然後其他親友同姐妹陸續嚟到

親友嚟到後第一時間就係睇報紙，點解??

因為當日生果日報會刊登蚊姐的大日子喇~

呢個登報係酒席送嘅，其實我覺得呢個主意唔錯架

因為可以keep返份報紙等10年20年後再睇返都幾得意呀

之後都係進行一般的儀式

玩新郎、奉茶比長輩等

然後就出門準備過男家

出發前梗係要影張靚相先啦

呢對係我送比佢地的結婚公仔喇~

點解揀呢款公仔?因為個新娘我覺得好似蚊姐細細個架~

而個新娘造型都好掂架~

龍鳳鐲、鑽戒、set晒頭咁，真係好過癮

見唔見到d飾物呀~hahaha

返到男方奉完茶後就去酒樓食飯

當日好大風呀，玩完一個上午我個頭都吹到亂晒呀

不過當日化妝師其實化得唔錯，家姐都幾滿意佢的造型喇

飲完飯就去拎豬回埋門，約4點幾就到達酒樓預備夜晚的婚禮

蚊姐佢地揀左呢間酒樓擺酒呀，係倫敦廣場果間包場

點解揀呢個集團，因為佢地好鍾意用呢個出場方法呀

就係坐南瓜車進場喇~(又真係幾童話嘅，不過潘生一定唔會呀haha)

成家人影張相靚相喇(但潘大爺當時唔知行左去邊喇!!)

蚊姐共有5套衫

分別有裙褂、婚紗同3件晚裝

開席前就著裙褂同1件晚裝

出場就著婚紗

食完第二道菜就換一件衫敬酒

敬完酒冇耐再換埋最後一套送客

雖然好似唔算太多，不過我地都覺得換少一套會好少少喇~

因為當日上菜又較快，換完衫後又要敬酒又要送客

蚊姐都同唔晒所有賓客影相喇~

因為蚊姐冇送小禮物做回禮

但就join左個即場送相服務，8點半前影的相係婚禮完前就會派比賓客

有紀念得嚟又實用，又真係好過送d小禮物嘅

呢日雖然都係好忙，但因為有經驗在前所以還可以喇~

最重要呢日大部份都進行都好順利，冇咩大問題

所以都好完滿喇~~~

因為當日實在好忙，根本都冇時間影相

攝影師的相又未出，上面所有相都係靠親友同蚊姐朋友借嚟用用咋~~