網誌分類：旅遊記趣 |
圖片
網誌日期：2009-05-23 00:47
第二天
2209-5-15
三傻七點幾起床.搞掂晒便出發去搭台鐵去瑞芳.
八點四十幾分就坐咗係月台等九點鐘自強號經瑞芳的火車.
係月台簡單地解決我地既早餐.昨晚買的donut.好好食.不過甜左D.
上車時見到有一班不知道是香港人定國內人(年紀比較大的).坐咗人地個位.後來比人叫讓回個位時.面露不悅.當佢地走去第二個車廂時.喃喃自語地說.架車大把位啦.有得坐咪得law!!三傻又O晒嘴la!!
四十分鐘就到瑞芳.重快過我由粉嶺去紅磡.
跟住去買平溪一日遊票54元
.
順便問個服務員伯伯幾點有火車去十分.
他跟肥媽說十一點二十四分才有火車.在一號月台(被騙啦!好好笑.後面補充.)
再問下一班呢?說一點零二分.在一號月台.(又嚟啦.三傻不知道月台是錯的)
他說妳們出去逛一逛.回來再去坐平溪火車吧!
我地見十點咁早.不如先上九份逛啦.那服務員好熱情地說.
“是呀!妳們先去九份玩一玩.一點零二分回來坐火車la!!!”
出去打算坐公車上九份.但唔知點解等咗幾個字都無公車.
又曬又熱.怕時間太趕回瑞芳.決定坐的士上去.盛惠180元.
之前去親九份都下雨.就算明明好好天.上到九份去都會落番場雨贈下興的.
但這次是第一次去九份沒有下雨.但天氣非常熱.
個司機不停說服我地包車去玩.最後我惟有好意婉拒他.
說我們已經買了火車票了.
去到瑞芳.十點八到.可能是平日 .好多店舖都未開.
我們逛了一會.食咗個冰淇淋銅鑼燒.
JOJO&CARMEN係間買首飾嘅地方買咗好多項鍊.介指同手鐲.好正又平.
買咗二千幾元.她們好興奮啦.
今次見唔到北一女打扮的那位小姐.好失望.因為我特意帶JOJO去睇佢的.
之後三傻去食阿柑姨竽圓,坐咗係樓上睇風景和海景.好靚.
趣事係三傻打算想搵人幫我們拍照時.JOJO扲住部相機一轉身.個日本遊客已經從佢手上接咗部相機.搞笑嘅係佢兩個當時人都呆咗係度.後來個日本人先做個手勢話幫我地拍照.之後叫我地幫佢地拍番照.超搞笑 ha……ha……ha…….
行行下D見到花生糖冰淇淋.買一件嚟食.太甜了.
臨走係巷口見到一檔叫炸牛奶棒.肥媽我好奇買咗一支食.
唔好食嘅.下次都係咪攪我啦.
見無咩行.好多店舖又唔開.就決定返落去瑞芳.
預鬆D時間啦.怕好似剛剛咁等太耐公車.
等咗不太耐.十分鐘就有公車la!!
十二點多就到瑞芳.見時間咁早.行一下瑞芳老街.都係一樣.無嘢睇.
決定去月台坐下休息下等火車.
搞笑位到啦.
之前那位買車票位伯伯.明明不停強調叫三傻去一號月台侯車.
咁三傻好叻+好乖咁去一號月台.
上到去月台.突然對面月台有人吹哨子叫住三傻.問三傻坐火車去哪裡?
三傻就好大聲同對面月台個伯伯話 “去十分呀”.
跟住有個賣便當的帥哥說 “去平溪的火車是二號月台”.
三傻同佢講話 “之前買票個伯伯叫我們去一號月台.”
他說 “不是la!是二號月台.”所以三傻去番二號月台.
上到月台.個剪票伯伯同三傻講.
“不是叫妳們十一點廿十四分回來的嗎?為什麼現在才回來!現在要等到一點零二分才有車的.”
三傻話之前買票個伯伯說一點有車.建議我們去九份玩一下.回來可以坐一點的火車.還叫我地去一號月台侯車的.
剪票伯伯說 “他屁啦.一號月台要晚上六點廿五分才有車. 屁的la!!亂七八糟的!”
超攪笑.好彩三傻早到咋.如果唔係都唔知點算好.
坐係月台時.肥媽問carmen.點解個剪票伯伯會認得我地既.(佢都負責收去瑞芳的車票.收車票時是他有提我們下班車去平溪的火車時間.我以為佢同每個買一日遊的遊客講咋.)
CARMEN話 “我地三個黑超黨咁搶眼.(搞笑一下)一定認得la!
千萬別做衰野.如打刧放火等.
一定第一時間好似香港第一單確診新流感個墨西哥人一樣.係電視畫面比人用紅圈圈住放大比人睇.ha.. ha…ha…..”
xyz 2009-06-20 02:57
xyz 2009-06-18 02:16
Shirly 2009-05-25 16:29
肥媽MM2009-05-25 17:15