第二日...第二回...

一點零二分三傻上火車la!!原本想由菁桐一路玩回來的.

但肥媽話想睇螢火蟲.(後來都無去到.原因一陣就知!)

決定先去十分.好快三十分鐘就到咗十分.

 

係十分落車後.carmen不停幫佢個仔仔影相.

我地就四圍睇野.係網上見到好多網友話幾多嘢行.

可能我地平日去.有很多店舖都係唔開.

但都買咗好多細天燈.明信片做手信.

睇人放天燈.重打算夜D我地至放.(又係無放到).

近火車站條吊橋要修至六月.無得行.

諗住行去入面.行另外一條吊橋.

因為天氣太熱.十分沿途都無瓦遮頭.肥媽都已經擔晒遮.飲埋水.

行到半路.人開始暈暈地有D中暑徵狀.

加上唔知係咪行得耐.而且我著錯咗對鞋.對腳好痛行唔到.

唯有放棄.返去車站等車.

但我初時重堅持要去菁桐.所以係車站坐咗半小時.

等2點51分火車向平溪出發.

十分鐘就到平溪車站.

行咗去平溪老街.

又係無咩店舖開門.

咁三傻決定去抗日防空洞睇下.

點知兜咗好耐圈都搵唔到.

最後放棄.見到間好出名買香腸的店開檔.埋去幫襯下.

個老闆娘好熱情.不停同我地吹水.話她們平溪人好熱情.

如果妳不識路去問路.

她們有空的話.會親自帶你去的.還問我們為什麼挑平日來.

假日才多人多嘢看而且很熱鬧.

肥媽話因為怕假日人多所以才挑平日來玩的.

最後重請三傻食佢新抱買比佢食的綠豆糕呀!

真好客.佢檔香腸好好食.我大讚她時.她非常開心.

收平左我地tim.重話有很多人係佢個檔到攞貨買.假

日如果想買到佢烤既香腸.要等廿分鐘以上呀.

有時買晒會買唔到tim!好犀利.

之後三傻又行番車站等火車去菁桐.

隻腳真係好痛.跛下跛下咁.就行唔到啦.

 

 

坐4:15分火車去菁桐.幾分鐘到la!!又係無店舖開.

買咗個許願竹筒許願.蓋咗好多印仔.食咗枝唔好食的冰條.

頂唔順隻腳痛到行唔到.搵張凳坐低抖下食埋止痛藥.

睇下可唔可以去睇螢火蟲.

但最後係放棄.因為太痛.

後來坐5:01分火車返回瑞芳.差不多六點去到瑞芳.