2009三傻台灣超累….超敗家…開心之旅……!!!!第三日..第一回...

第三日

2009-5-16

今日九點至起床.

差不多十點出去飯店附近的早餐店食早餐.(飯店有包早餐.但三傻想出去食)

食咗蛋餅好好食ga!

之後出發去袖珍博物館.三傻照住本旅遊書咁寫.坐捷運去南京東路車站

出咗車站.我地三傻.一向的作風.呆呆的望住個車站地圖搵建國北路.

附近有位小姐正想向我們推銷時.見我地呆呆的.就問我地需要幫忙嗎?

立刻向佢問路.她就教三傻如何行過去.三人再次係十字路口迷茫.終於問咗兩位美女後.十點四十分搵到博物館了

.

入場費是180元一位.學生有優惠150元.香港學生證都可以.

袖珍博物館有個寫真匙扣送.

入面真係超正.的館藏真的無得頂.每件物件都好精緻.

行咗三個幾鐘.隻腳又開始痛啦.

係等寫真匙扣送時坐咗陣.行去捷運坐去動物園站.

好在有位坐.如果唔係一定腳跛.

出捷運站望下個錶.差不多三點.見咁晏肚又餓又熱..

決定唔去動物園.直接坐的士去深坑豆腐街食野醫肚.盛惠145元.

食咗兩串香豆腐

.

兩串臭豆腐.

香腸.

加豆腐雪糕重有芝麻豆腐.原香豆味+深坑豆腐味(好特別.有陣燒焦味.)jojo覺得好怪.

之後真係好累.好熱.差不多三十四度.唔等公車.

再搭的士去信義誠品逛下.再盛惠210元.

係誠品逛咗一陣.唔得la腳超痛.

走咗去隔離新光三越查理布朗烘焙屋買雞蛋布甸食.一盒180元.

 

見到有芝士條買.買一條原味.一條可可味.原味好好食.

比港記重好食.(後來想買返香港食.但無得買.因為要兩點後才有得買.)

跟住再行去101(畏高.無上頂樓)幫JOJO個同學媽咪買鳳梨酥.

係B1美食廣場裡面.一間叫ilu意盧.

三傻試食後.覺得好好食.買多幾盒.

(carmen帶番公司請同事食,佢地都話好食.即刻問係邊到買.

話下次自己去台灣玩時買返嚟食.)

跟住真係隻腳頂唔住再坐的士番飯店.盛惠220元

個的士可機超好客.不停介紹台灣的野比三傻知.教三傻咩生果而家最好食.

又講路邊D樹係咩樹.如何浸溫泉.那個溫泉好.

又介紹我地去陽明山竹子湖摘花.

又說去遊玩不要把行程編得太密.

這次玩不到下次再去.說去旅行是放鬆不是趕路.如果累到病就唔好la!!!

最後架車經過總統府時.叫三傻

明天唔好去那幾條路附近.因為有靜坐.

怕他們太激.唔知會有咩事發生.又話

其實他們的士司機都唔高興ga!!比佢地阻住做生意.

因為好多路封咗.叫三傻不要怕.離開市區去郊外玩便可.

佢真的好熱情呀.