平平地, 唔錯

上星期五係沙田練完跑, 見時間都仲早早地, 於是乎就走去搵野食啦, 見到大家樂好多人係度食緊火鍋, 所以我地都試食下, 不過買票之前就要搵左位先, 因為都幾多人囉, 而且差唔多大部份入來既人都係食火鍋, 主要係因為 8:30pm 後, 所以再加既配料都係半價, 而且佢一個火鍋本身既價錢都係 $50 之內

咁我地就叫左一個牛, 一個豬, 再加 2 份配料, 同埋兩杯特飲, 加埋就係 $116, 都算幾抵的, 而且有 4 個唔同既湯底任揀, 我地要左一個沙爹, 一個泡菜牛肉, 但泡菜牛肉既湯味比較濃 d 好味好多囉 真係估唔到, 就咁睇好似唔太多野, 點知食食下都幾飽的, 最後我連個烏冬都無食到, 因為真係食唔落了, 食完行左一陣, 去左新城市果邊食滿記甜品, 呢一晚真係食到好好好好好好飽呀