飲呀飲呀

星期六晚係屋企好 hea 咁, 食完晚飯,  食下生果, 本來都好普通咁睇下電視, 睇到咁上下就去訓架喇, 點知突然興起, 諗起好耐之前有一支朋友係 加拿大 送來既一支 Ice Wine 放左係雪櫃都有段時間, 又見到屋企有些送酒既蝦條薯片物體, 所以就攞左隻香檳杯, 攞埋支 2002 年既 Sparking Ice Wine 出來喇, 一扭開個鐵線, 好似開香檳咁, 打開一聞, 真係好香好甜囉, 徐徐倒入酒杯之內, 少少既泡再加好濃既香味, 忍唔住即刻飲一小口的, 真係好香甜, 因為酒精度只係 10%, 完全係 feel 唔到囉, 加上呢支 Ice Wine 只有 375 ml, 即係等於一包大包裝既檸檬茶, 亦即係大概等於 3 杯半香檳左右, 邊食小食, 邊飲住杯中物, 真係好耐都無咁係屋企享受下了 可惜呢支係屋企最後一支 Ice Wine 了 香港買一支就真係太貴了, 完全唔捨得, 唯有等下次, 睇下邊位親戚朋友可以買來了