唐伯父

有時改名都幾緊要的, 經常都有人講, 人唔怕生壞命, 最怕改壞名, 原來連食肆都一樣係的, 就好似呢排成日都聽人講呢一間甜品店, 係短短既時間內, 佢地係唔同既地區都開左好多分店, 而且每一間都係好多既捧場客囉, 佢既名字就係同 [唐伯父] 同音囉, 咪就係 [糖百府] 是也, 一睇個名就知好容易記得, 而且又一定係食甜品咁解啦, 而佢地最出名既就係 [雪花冰] , 淨係呢 d 咁既冰都有成 10 款咁多, 其實應該係 9 款味道先岩的, 最後一樣係自選來配新鮮既雜果的

星期日果晚同屋企人食完飯之後, 就試左係屋企附近呢間開左個多月既新店, 3 個人只係叫左兩份, 都已經覺得幾多了, 而且味道唔錯的, 分別叫了 [宇治金時] 及 [雜果雪花].

[宇治金時] 即係綠茶冰, 配紅荳, 小丸子, 椰果及茶凍
[雜果雪花] 我地選了 朱古力冰, 配新鮮雜果

綠茶冰係有好香濃既綠茶味, 但就唔會係濃到苦囉, 岩岩好, 非常好味, 只係嫌配料唔太多 而朱古力冰亦係有好濃既朱古力味, 近似 dark chocolate 咁, 但就一 d 都唔苦囉, 而且好好味, 另外就係新鮮既生果, 真係唔少, 而且好好味, 下次可以再叫呢一款, 但就要轉下另一些唔同味道既冰來試試