畢業紀念的倒霉一天

今日我地6年級的畢業生去海洋公園，去海洋公園是希望最後比個美好的回憶，但今日全日落雨，好狼狽……今日我地出發在架車上面，我隔離兩位成日偷拍人，都唔知做咩？佢地大個唔做狗仔隊真係浪費左一個人才！到左海洋公園，但天仍然落雨，唔通連個天都唔比我地畢業生最後一次的旅遊有個完美的句號，而係個遺憾的省略號？唉！我地已經唔可以玩機動遊戲，仲要落埋雨，真係好掃興！最能我抱歉的事，就係老師原本想去水母館，班主任就叫我帶路，但平時一睇地圖就識D路點去的我，今日居然神奇地帶錯路，仲要令到好多班的同學都行錯左，同浪費左時間！真係十分之SORRY!SORRY!因為我帶錯路，所以原本可以提前去水母館，但浪費了時間，只可以去海洋劇場睇海豚表現。唔知點解，我覺得今日的海豚表現總係好悶，冇之前咁好睇！睇完之後再去水母館同鯊魚館睇！然後食完Lunch之後又要坐車去返另一面果個甚麼兒童王國先可以自由活動！到左啦！都冇野玩，慢慢咁散步，去到一個「威威劇場」睇D笑聲片，都幾好笑！見到張晉同戴雪凝一次手拖手咁行入來，估唔到咁快就……但又好快就byebye！睇完哩個去到個以「功夫熊貓」做主題的館，入去睇下都好靚，好得意！時間終於到啦！要返學校！我地哩班「落湯雞仔團」要走啦！每一位同學都有一個一樣的特點，就是全身同全頭都濕透，但廖老師仲厲害，對鞋入曬水。好慘！今日的一次旅遊真令做又愛又恨，因為今次係6年級最後的一次旅遊，所以我都珍惜今次的事！希望各位同學可以入到間好中學，搵到份好工！