一個寧靜而漫長的工作夜

"今天我滿懷寂寞...今天我滿懷空虛....." 夜闌人靜,  一個無人的辦公室, 電台正播放著80年代鍾鎮濤的一首舊歌, 歌詞正好形容我此刻心情.

電台節目係由劉天賜及其他學者主持, 個晚個題目係近期話題"隱閉青年", 討論這些青年種種對與錯, 有位聽眾打電話上去, 講出一點, 我頗同意.

佢話現時人越來越多, 社會就越來越設很多關卡, 這些青年想要得到別人基本認同變得越來越困難, 唯有終日逃避係自己房中, 電腦世界中, 找回自己, 找回自尊. 故勿論這此青年是否值得同情, 抑或責備, 畢竟這題目無對與錯. 反而我頗同意這個社會, 人與人之間越來越多所謂"關卡", 要係呢個現實社會生存, 一定要不斷不斷去跨過這些"關卡", 而這些"關卡", 正係我每一日都需要面對的. 我有時都覺得好疲倦, 感慨現時人際關係可唔可以簡單一點, 唔需要太複雜.

禮拜五深夜, 仍然留守係公司做一些計劃書, 今個月的確有些很決定性的case需要follow, 我當然非常重視. 有時覺得成間公司得番我一個人做野, 個感覺真係好舒服, 無雜念, 一心一意把工作做好為止.

一直做到淩晨四點, 從公司離開, 附近係蘭桂坊, 隨街都可以見到好多酒鬼. 行去巴士站, 沿途見到好多報紙工人辛勤地整理緊最新的報紙準備發售, 荒涼的中環面貌, 的確有另一種味道, 一種無拘無束感覺, 與平時的中環, 形成強烈對比.

等了大約半小時, 終於等到一架能載我回家的巴士....coming home ...take me home ....

Lok