霓虹心：跨國界與性別的戀情

我地香港的洪榮傑，因為男朋友係瑞士人的關係，於是拍左套香港同瑞士兩地合作的同志電影《無聲風鈴》。

無獨有偶，台灣與瑞典混血的導演劉漢威，最近亦拍了一套同樣以同性戀為題的跨國電影，套戲叫《霓虹心》，12月4日會在台灣首映。

不同的是，《霓虹心》的同志愛侶是一對少男，分別係來自台灣的黃河，佢07年憑電視劇《危險心靈》奪得金鐘視帝，當時仍未夠18歲。而另一主角係來自瑞典的路威(Ludwig Parmell)，佢今年至夠18歲。

先睇睇相先。

 上：《霓虹心》海報               上：黃河在《危險心靈》中飾演中學生 

 上：路威，導演，黃河三人合照         上：路威與飾演母親的潘妮拉

 上：日月潭小船上的依偎                      上：台灣最年輕的視帝黃河

不過，《霓虹心》的主角其實係飾演路威的母親潘妮拉，佢係瑞典的影后級演員，而我地香港的曾志偉就在片中飾演佢既台灣富貴網友。

點解會有曾志偉？我諗係呢套片監制葉如芬的關係，葉係台灣電影制片女強人，上年剛監制過曾志偉投資的《九降風》。當然，葉如芬當年仲幫過制作《夜奔》咁經典既同志片，亦有份幫蔡明亮制作《你那邊幾點》及《天邊一朵雲》等。

上：葉如芬(左下)攝於《九降風》的記招會，呢幅相佢先至似番個女人

故事主要係講生活在瑞典的母親潘妮拉，佢同兒子路威一向冇乜感情。一日佢突然要路威跟佢到台北旅行，路威感到驚喜，卻唔估到母親其實係想去台灣搵網友曾志偉。

在台北，路威遇上了黃河，兩人有種互相依伴的親密，但當佢發現母親原來係來台北找男人時，佢憤然離開母親，轉投向黃河，但沒想到因黃河的家庭背景，兩人竟遭到黑道挾持。

潘妮拉為救兒子，四處求救，最後從黑道手中救出路威與黃河，並且重新贏回兒子的心。

睇睇預告片。

唔知香港幾時有得做，我好期待。