叮一聲

四個月的瘋人瘋行由叮一聲開始亦由叮一聲結束，大概我高估了自己既理智同一向既抽離能力，直至到我發現自己呆呆地。為怕久呆成病梗係要急急自救，日程排到密密，如是者過了一星期都還有點唔對路，先至知道今次真係傷咗D，呵....都好，事關唔係咁我又點知自己原來還真係一個有血有肉既人。

呀腩就好似一面鏡咁，照出我D衝動、不安於室既一面，不過佢畀我大膽得多。老實講我都好想大膽D，只係人大咗怕失去先至唔敢大膽。大概擁有時怕失去係人性既表現，而我頂多只能做到放手，但就未能夠做到唔怕失去。唔...如果智慧能増長得快過年紀，相信一切會變成容易得多。但有樣吔呀腩可能都估唔到，就係佢幫咗我跨過咗放在心底裡堅持嘻嘻度日既一個藉口。我唔知道下次我會唔會叮到或者會唔會同樣是旦拎D原因出黎，但肯定我會好好再try & error。

衷心希望呀腩可以早日完成大任回歸香港，成日可以陪我hea。