乘風破浪

有日忙得很之際收到通碟，有機會參與乘風航，嘩！二話不說即時應承，事關一直都想上去挑戰自己，如是者寫咗落日誌內就不以為以，直至中秋前值才發現中秋翌日上船。心諗弊，原先怕中秋晚上無聊，就走去重掌很久沒有出任既攪事崗位，分配呀美招集大家（當然係無飯開信眾）聚一聚。估唔到出奇地人齊，九男女只欠海鮮和老朋友。地點唔使講，我至愛既對住沙灘後花園，攪既當然係圍火堆既活動。果晚大家都唔願撤退，在月光底不着邊際吹水，好開心因為實在很久沒有這樣開懷相聚過。清晨回到家睡不到多少便要向大海出發，好彩有善長出手才不至於昏迷不醒。

上到歡號第一時間分組聽安全須知及了解船上設備，接着學了一些蠅結，便開始各項挑戰。當中有諗過縮沙，事關要在無救生衣情況下爬出船邊完成任務…..但好好彩我遇到一班好好的隊員，令我放心交托。查實我既恐懼全出於怕跌落海，事關唔識游水，但再想深一層這似乎有點唔相信自己能完成任務，又或者是害怕無安全感既感覺。所以當完成所有挑戰時，個種喜悦實在難以形容。正如工作人員所講，成年人可不在自己可承擔的範圍下豁出去，咩錯折咁大不了，大不了都只是掉進水裹，就算掉進水裹都會有人第一時間救你。心裡面記着了這番話，到做棄船演習時，我決定當起跳樓咁跳，堅持擘大眼看清楚及感受清楚那感覺。就幾秒間，我只想到“為什麼未到海裡”，就那一刻便掉入海裹。好捧的一個經驗，縱然自覺有許多不足，但已能令我深深反思。

http://www.adventureship.org.hk/jchuan_c.php