HALLOWEEN 21 OCT 2009 PART II

PART II 係購物飲食篇

Disney入面d禮品店, 我好鍾意行, 可惜時間太趕, 第一次去唯有急急咁行一圈算。但都比我影到d好可愛精品。 呢d玻璃 jack 同米奇係即燒即整! 幾特別!

d筆都好靚! 不過多數好睇唔好用。

見到佢周圍都擺滿Disney公仔, 冇理由唔攪下佢, 行過唔買都攬住影番張相先。 Pooh Pooh 肥嘟嘟幾似我。

見到d皇冠又攞嚟玩下先, 扮下瑪利皇后! 哈....

D Jack 頭公仔都好cute!

但我都係鍾意小魔星帽, 好似咬住我個頭, 好攪笑!

米奇一定要影, 我朋友仔至愛。

呢隻真人咁大嘅jack我都鍾意, 不過鍾意唔等同要買番屋企, 哈....

話唔買嘢, 最後都係忍唔到手買罐朱古力走, 貪佢個罐靚! d朱古力都ok唔太難食仲要係米奇頭。

另外, 我地張門票係包一餐仲有時限, 最後我地選擇去火箭餐廳食漢堡飽, 貪佢人小d, d套餐都成60幾蚊個。幾貴!

但味道仲要係好一般, 似乎老麥好食d!

係樂園入面周不時都有d表演, 呢個奏得幾好聽架!

呢隻唔知乜仲會問細佬仔問題。

全日最好睇係夜間巡遊, 我覺得好睇過朝早, 氣氛好正! 阿jack架南瓜車幾型。

由於我用手機仔好難影相, 我都係拍video算。 哈... 

仲有放煙花時,個城堡會轉色, 上一篇睇條片唔知你地有冇留意, 冇! 我朋友仔有影到相, 好清楚好靚架!

到走時我仲發現d 商鋪有d jack頭射燈照來照去。

門口個米奇噴泉又係會轉色。好靚!

就係咁我嘅第1次遊迪士尼係好趕嘅情況下玩完! 好多地方都冇去, 要第2次去先玩埋, 情況稍後再post! 哈....