網誌分類：蛋蛋天下 |
圖片
網誌日期：2009-10-07 14:31
My Pet and Me! So Happy!
又係時候update皮蛋近況, 佢個樣越嚟越似野人, 唔係我懶唔同剪毛, 係家人想佢出去比人執番個新 look 迎接佢老豆新婚大日子, 但成日得個講拖完又拖都未有時間帶佢去, 睇怕到個日佢都係似隻野人或癲狗。
中秋有朋友仔幫我同佢影咗d相, 哈...冇乜執樣連內置水泡都出埋! 成個肥師奶look! 佢同我都齊齊走哂樣! 唔得 .... 下星期前要 keep 一 keep 先! 之後再放縱過!
下面呢3張更充分表演佢個種野人感覺, 仲有d似生意失敗, 輸咗間廠咁!
下一隻出場係佢紅顏知己 - 沙律, 靚女嗎?
唔知點解? 我總覺我用手機影皮蛋個樣可愛d, 似隻公仔狗多d!
連佢朋友仔波波都影得cute哂! 成對公仔咁!
跟住呢張係琴日皮蛋以為去街, 其實係帶佢去打瘋狗針, 之前幾開心, 有車坐!
去到打針地方, 係到震要我媽咪抱住先冷靜d! 打針時更抓到我一畫畫, 激死!
今朝6點同皮蛋去晨運, 平日下午都唔覺, 近將軍澳新起嘅體育館條行人路佈滿呢d咁嘅蟲, 成地都係! 仲有好多比人踩死比單車碌死哂! 好核突! 真唔明點解會咁都冇人理! 遲d可能繼紅火蟻又一新蟲患。
Buy Bucket of 8 Receive Free T-shirt. Guinness (1 pint) and Budweiser. Cheers! French F......
兔仔真係唔知YAHOO 佢想點......兔仔明明已經寫好晒D密碼.... 唔會有錯!!!不過在家又再一次地LOGIN 唔到...... 今......
DSC08696.JPG
DSC08697.JPG
9.JPG
花雨田 2009-10-12 12:29
夢中人 2009-10-11 00:31
Mary2009-10-11 19:48
有人讚! 哈...佢實好開死!
♫ 唯一♫ 2009-10-08 16:47
唔係喎!! 我真係覺得妳靚o架!! 真係都靚. 化唔化裝都靚~ 妳只係肥o左小小o者 (千祈唔好介意我咁講!!) 但...妳五觀好靚o架!! 妳減小小啦~ 一定好o素o架!!!
唯一, 從來唔講 <虛偽> 說話!! 靚就係靚~
唔靚..我唔會出聲o架!! 
Mary2009-10-08 18:45
哈...開心死我啦! 不過我唔會專登減肥, 我鍾意食嘢架! 減肥就冇得食好嘢, 冇得同朋友去玩。咁慘! 我唔制。哈..
♫ 唯一♫ 2009-10-08 15:57
嘩~ Mary, 妳好靚呀~
原來妳養o左兩隻狗狗o架~ 好得意呀~ 不過咁長毛, 要剪囉!! 唔剪個樣會好似好老咁呀~
Mary2009-10-08 16:08
哈...你見過我真人啦! 靚乜鬼! 影相效果咋!
黑色隻史立莎先係我家人養, 其他係人地架! 1隻都想死, 養2隻會好大鑊。
莎莉 2009-10-08 10:27
Mary2009-10-08 13:03
之前冇架! 琴日嚇死我, 屍橫遍野, 晨早就見死到一地都係! 幾想拍條片比大家睇! 恐怖過睇鬼片。
黃皮 2009-10-08 09:49
Mary2009-10-08 13:03
令金 2009-10-07 23:19
皮蛋有妳這個好朋友真開心, 去晨運都帶埋佢
請問皮蛋有多大
以前我亦有一小狗陪伴..............
現在只剩我獨個兒
Mary2009-10-08 13:04
佢6歲啦! 仲有唔係我晨運帶佢去, 係皮蛋去晨運帶埋我..........6點要出快, 我間中先跟去。
Vivian 2009-10-07 16:33
皮蛋的毛好長，驟眼看成隻毛牛呀!!
話時話，我都有同一煩惱 - 沒有返工兩個多月，呢家都係日日"膨脹"中，肥左10磅都有，好慘!
Mary2009-10-08 13:04
毛牛......哈...好好笑! 唔返工真係會肥, 不過10磅又利害咗d!