老二齊齊滾

冇嘢做仲周圍食, 有點罪過!

琴日去完2nd interview, 見時間都唔早, 想起blog友好似約食飯, 拿拿聲call人預埋我! 反正每次出街我都唔想返屋企, 太爛玩啦!  今次佢地帶我去荃灣試一間叫老二靚湯火鍋, 佢係荃灣廣場後面對住間戲院。 我係第一次去, 都唔知食物質數如何, 剩知個老闆好識招呼人客, 哈...成日同我地介紹嘢食。

第一round都係d正常食物, 好似竹笙, 支竹, 肥牛, 魚腐, 菇, 牛丸鱔片, 豆腐, 墨魚滑之類。 我鍾意佢d牛丸, 好似潮州人整個d好彈牙。鱔片我都好鍾意, 好甜!  另我鍾意佢d調味料, 任攞! 我落咗好多蒜泥, 辣椒同蔥!

半斤蝦, 都好新鮮!

奄仔蟹好多膏, 好好食! 好正!

加拿大象拔蚌好大隻, 仲好鬼好食, 生同烚熟都好食。

跟住呢d丸係有芝士係中間

咬開就見, 好過KFC個芝士波!

呢個係蟹肉鵝肝雲吞, 個名幾經貴。

粒鵝肝係咁細粒。

加埋酒水, 8個人食足一晚$235一位。 之後散場再補多個許留山海底撈嘢, 好滿足咁返屋企。