喜事重重

9月26日真係好日子, 喜事接住嚟! 同一日我要出席一場婚宴, 另仲收到舊同事BB出世的喜訊, 喜悅係要跟朋友分享! 哈....

先講第一單, 26號係影友ROGER大日子, 佢都未同我私影過就請我, 太過份啦....哈! 佢係HOLIDAY INN擺酒, 之前約定朋友仔中午"HEA" 之後7點幾先入去。

我幾鍾意呢間酒店個FUNCTION ROOM, 早好多年有朋友又係呢到擺酒, 佢個場大好多, 一眼望哂個FEEL好正! 今次朋友仔個位都靚, 最鍾意佢電梯口D毛毛同燈飾。

簽名枱D蠟燭都好靚。

成晚我最有印象係個律師同一個LEMON男, 個律師幾好架, 算幾風趣! 佢比喻鍚鍚係重要文件打印, 笑死我!

另LEMON男因何得名, 原因係我個圍好多青春少艾, 阿男子又口花花, 目標1唔多理佢就轉目標2, 2唔OK就搵3。雖知依家D妹仔挑通眼眉, 咁易氹咩! 係咁塞LEMON比佢食, 我一路睇都笑到反肚! 再加上溝女手法似乎低D, 妹妹仔比喻為佢當呢到係老蘭, 哈...

一對新人為我地準備嘅禮物係即場相片一張, 開席前自己唔去排隊影就冇啦! 張相都影得我幾靚! 不枉我化行妝着到隻雀咁去! 哈...最好笑我都係第一次見我朋友恤衫西褲咁去飲。 呢張相對佢真係有紀念價值! 仲有新郎哥原來自己都冇留底, 咁我比番張相佢啦!

另外, 由於好多人我地都唔識, 大半圍都係MODEL仔加影相朋友仔, 再加埋個環境又幾靚。我地係敬完酒就借後門閃哂出去私影同自拍。新郎係入面唱情歌氹老婆我地就係出面玩到好開心! 睇下面D相就知。後尾仲要比新郎發現! 哈...我估佢唔係唱緊歌, 佢不知幾想落嚟影2張過手癮。

KELVIN影得我好似好高仲有長腿, 哈...

呢張唔講, 可能以為係姊妹團合照! 其實我生得佢地出! 哈...

最後正正經經同新郎影番張先。

玩到散席, 仲要係門口繼續影影影..........仲有D人冇啦啦影埋一份! 好笑!

第2單係舊戰友莉莉人生咗個B! 呢個POST我叫佢擺, 一索得男當然要哂下命! 第1日我地唔去騷擾佢比佢休息, 第2日9月27日我同同事約埋去旺角聖德助撒探佢, 幫佢影花絮。

哈...睇我去探病都咁行, 以為我有病。其實我夜晚重有一場國慶飲宴先會着成咁! 咪當我真係傻!

睇BB都要排好耐

想睇就將BB個號碼放係窗等姑娘推佢地出嚟! 好似探監.....

LILIAN個寶貝出現啦.....

CLOSE UP都幾得意! 我好衰, 我話佢要靚仔先認做契媽, 哈...

BB一出大家就係咁影, 呢D重任都係要專業相機出碼, 我D手機行埋一邊影花絮。

同場加影另一靚媽咪同佢個心肝寶貝, 好CUTE! 佢請我食珍寶珠都冇喊!

下一個開心晚宴遲D再POST!