迷你珍寶珠

尋找童年回憶!

童年時每次放學行經士多辦館, 家人間中都會比我去買小小零食, 一般我都好專一, 多數都係魷魚絲、 珍珍薯片、 雪條、汽水同珍寶珠。尤記得個時好鍾意食珍寶珠, 原因係佢細細粒, 唔似波板糖, 食到條脷都痛都未食完, 掉又唔捨得, 塞番入雪櫃再攞番出嚟食又唔好食。整碎食又唔過癮! 珍寶珠就唔同, size剛剛好, 食完又唔會飽。我記得佢仲有cream味同水果味2種系列, 當時我最愛朱古力奶味。

最近係便利店見到佢有新出品試賣, 個packing好似煙仔咁, 但原來係迷你珍寶珠, 見佢幾得意就買一盒試下, 味道都ok, 果汁味! 入面仲有6支, 同朋友一齊分嚟食都幾開心! 下次見到又再買多盒先得。