搞笑的一天

今日原本打算十點去到candy屋企，但係因為我沖涼沖耐左，所以同黃愛珠10:20分先去到！

去到之後，我都冇乜點溫，係佢地係到溫，我只係在走之前完成左張ws，同埋知道咩叫insolation！

12點幾既時候，我就落左去搵霖霖，去到金源，入到去，只係見到好多圓玄，我又冇戴眼鏡，所以都睇唔清，結果只好出去打比霖霖叫佢來接我！跟著坐到入去，對面見到michael，佢好好奇咁望過來！

叫左野食，好快就來，跟新達個d唔一樣，我叫左魚蛋河，但係我並唔鍾意個d魚蛋，所以就比左其他人！點知比最後一粒個陣，唔小心跌左係張檯上，但是佢反彈，沿著我同學個隻碟既碟邊，去到霖霖個碟野上！超搞笑！跟著因為bobo佢要返學校參加唔知咩鬥快食水果比賽，所以要早d翻去，我聽到後好o嘴！因為女仔參加會比人見到食相，同埋好容易哽親！都唔明點解學校會比佢地玩呢種比賽！

之後係candy屋企過左一陣，就去左新達行一陣，因為cindy仲未到，所以就行一陣，點知行下行下，見到一個人不斷同我地say hi！我又見到黃愛珠同個個人say hi！我就以為係黃愛珠d fd！點知個個人又好似同緊我say hi！行近d睇，原來係尹子琪，我真係認唔到佢！佢問我唔係要去迪士尼咩？我話下午先去！跟著唔知講到咩，佢話我去海洋公園只可以去兒童王國，跟著我話你都係la！佢就話：「我唔只可以去兒童王國，仲可以去海洋劇場！」我心想咁咪同我一樣！之後佢就同佢媽媽走左，而我就去月台找cindy！

去緊大學個陣，佢就話唔記得左帶票，結果我地只好折返大埔墟，佢叫佢爸爸拿比佢！

去到大圍個陣，佢又話部相機冇記憶咭，真係又激氣又好笑！

不過去到迪士尼之後，我地影左好多相，好好玩！

在回程既時候，我見到有一個女人整整自己既手臂，又望下cindy既手臂，我同cindy講，佢笑到死！今日都幾happy！

P.S.Isaac佢話請我睇戲，真係好！唔駛比錢！不過我想佢係因為個日會放我飛機，先咁快答應我！算了吧！原來今日佢都係金源！