給老細的生日禮物

       禮物是人人希冀的東西，無論價值多寡，總帶給人甜曳曳的感覺。不過，送給身邊的親人又有另一種現象，收者多怪責買者沒花心思，『行貨』了事，然心裏仍是開心的。

        送生日禮物給老細，難度可真高，既要特別又要矜貴，買之前仲要詐詐諦諦問問老細喜歡什麼，不能明問，卻要心領神會，深怕估錯就認真大件事，真是要多謝那些出錢出力的同事，花盡腦汁辦好此事。

       老細生日夾錢唔在講，還要夾錢請食晚飯，我們付鈔，老細點菜，合作無間。食時笑吟吟，吞時不知何味。只能心中自唱『問我』最後一句.......笑住回答，講一聲，鬼叫我係『細』......

      未知老細是否喜歡上面那份禮物呢？唔關我事，網上提供嘅寶貴意見咋！