滯留香港~~唉~~

今年農曆新年期間, 最初是打算跟朋友去埃及玩的

但因為種種原因, 一直都找不到伴

後尾, 有朋友提議 "不如去東北 - 雪鄉丫~~ "

聽到後當堂精神一振 " 係喎, 我都好多年無見過雪啦喎, 更沒見過落雪, 都好丫, why not??!!"

跟住, 就開始積極搵伴, 搵資料 ....

點知, 當一切攪定後, 就差最後一步 - 點去哈爾濱呢?

最後都諗住坐飛機, 但春節期間 d 票價都好驚人

一來一回單飛機票就起碼 5000, 還未計稅

咁攪法, 咪仲貴過我舊年復活節去 cambodia?

於是, 大家同意不如由廣州東坐火車去

全程要 40 幾小時 (共1日2夜), 中途仲要在到達北京後轉車

辛苦係辛苦 d, 但諗住去到就算啦, 只要成行就好了

但係, 我地好唔好采, 遇正今年北方大風雪

好多人在春節期間都轉搭火車

所以我地連電話也打不進去

咁我地唯有諗返飛機, 初初朋友話全票沒折頭都去, 成行就好

哈, 尋晚佢搵朋友託買機票, 人地比佢九折都唔要, 嫌少

真激死, 又話全票都去 ????!!!!

所以, 今年都係留係香港過年o既多啦

其他朋友還說風涼話 " 仲好啦, 慳番 d 錢"

現在唯有寄望 3 月底的復活節假啦, 攞 4 日假就可以放 10 日

朋友話想一齊去埃及, 聽住先啦, 到時先算, 我公司都唔知比唔比放呢?

噢, 美麗的雪景再見了 ~~~ 唉! 人地之前仲諗住買部靚 d o既相機去影靚相添 ~~

而家, 唉 ~~~~~~