T for Tokyo---東京2009---第二日 30-6-2009

東京2009---第二日(池袋→裡原宿→涉谷→池袋)

今日一早，馬師奶就起身扮靚靚，然後落街影相、買雜誌同check電郵了解仔女近況。其實係等馬生起身！

 

向裡原宿出發，單影隻腳已知同行者的作戰決心。雖然馬生勁叫馬師奶冷靜一啲，但馬師奶心裡仍諗著：「1234567 多勞多得，買嘢一定唔少得。」(大家要留意馬師奶隻鞋，因為七日行程後，隻鞋爛了，留在東京，冇得返港)

今次撘新開嘅副都心線，人少啲，位多啲，時間快啲，出駅地點近啲。值得推介！

去到裡原宿，太早到，好多鋪頭仲未開，惟有週圍影吓相。

個渠口都咁靚！！

好快，馬師奶開單啦，一隻特別色Addidas手錶。(返香港發現平成半，真係激死！)

而馬生去到E間舊年破財嘅鋪頭，竟然能夠冷靜出番來？！

今次先行男裝，馬生爆搵特別被波鞋，但搵唔到，買咗啲Tee。去到HeadPorter，我哋都好冷靜咁，先幫同事買嘢。我們心想：「今次唔係第一次到訪東京HeadPorter，當然俾舊年冷靜。」誰知？好戲在後頭。

喺HeadPorter買唔到心頭好，在FredPerry買咗個晴雨兼備嘅袋。馬師奶與戰利品拍照留念。

行了半日，喺時候食飯，本來想去食日本和牛漢堡餐的，但搵咗好耐都搵唔到間Café，未決定去食蝦天婦羅飯囉！點知在蝦天婦羅飯店門外，遇到幾個香港人，手上的書有介紹我們想去的日本和牛漢堡餐Café。馬師奶即刻發揮C9本色，問佢借本書來看看，看後決定再搵下。但係結果都係揾唔到，開了閉門會議，兩人決定求其去一間Café.

食了這個凍豚肉飯

還有日本咖哩牛肉飯，味道一般，價錢都係大約一千円一個餐。

乞嗤都想食？

環境都算優雅，仲有上網服務，厠所環境一流。
仲有靚靚架妹伴食，咁就差不多，個胃食唔飽，雙眼都睇飽。

食飽飯再作戰，跟住就下午茶。又係杜如風介紹的小Café，佢話有靚仔，馬師奶先來。誰知？靚仔侍應變了靚女侍應，都OK啦，一樣好睇，當益下馬生啦！

靚人(指侍應唔係馬師奶)，靚境，靚嘢食，值得推介!!!!好Hea處。

個和牛漢堡飽真係好好食，肉味很濃，很鮮，很香，仲有勁多肉汁。

來個近鏡，真係好多肉汁，Yummy指數：

睇下成個乞嗤咁大個。

和牛漢堡飽 + 梳打汽水 + 正薯蓉 = 又係大約一千円

食完就去了猿人朝聖，馬生大出血。

在猿人店出來，就去表參道借洗手間。表參道真係好多人‧‧‧

等緊馬生期間見到這隻狗仔，覺得幾得意，就同佢影相，佢勁cool~~~

跟住就去了Beams行，個sales服務態度勁好。除了讚馬師奶著衫好睇外(^0^Kawaili)，仲有私人旅遊查詢服務。佢用咗半個鐘，解釋俾馬師奶聽代宫山只有B印買冇crossover。這張就係大家傾談的工具：紙 + 筆 + 漢語

跟住就去了涉谷開飯。太累了，我們要搭JR往涉谷，竟然喺竹下通遇到馬生的舊同事，真係有緣，已經不只一次相遇。太累，忙了影相留念。舊同事又叫Matthew，佢好好呀！老婆就繼續喺原宿shopping，自己就先行運送老婆嘅戰利品回酒店，佢嘅偉大精神就值得拍照留念，待香港千千萬萬的男人好好學習。

(港女精神長存，Yeah!~~)

選擇了這間由築地市場運送魚生材料的徊轉寿司店。每碟120円，海膽貴少少，250円，每人最少食7碟。

好新鮮，雖不及築地，但都很正。

材枓新鮮(冇築地食咁頂級，但都算一級)，價錢平宜(兩人食了14多碟，共160蚊港紙，香港一個人都要啦)，地點方便(位於涉谷)，又是馬家心水推介。

食完嘢，就行涉谷嘅0101City。有了去了經驗，馬師奶緊係預留多啲時間行啦！0101City內，有很多i.t.賣的品牌，好似Lowrys Farm, Pageboy, Pau Dou Dou...，去年就係太遲行，攪到唔夠時間，一件衫由香港i.t.價800蚊減至200蚊左右，買多幾件，機票都賺番啦！馬師奶臨尾大出血。

行完街，就返池袋，又係時候，上網了解下子女在港嘅情況；同時，要食宵夜。梅味果汁非常之Yummy。

當日facebook state: buy many thing today