網誌分類：未分類 |
圖片
網誌日期：2009-11-26 18:44
打完針第二日晏晝, 霜霜退左燒, 我地終於首次踏足鯉魚門圖書館嘞!
睇地圖好似頗遠, 原來都唔係! 住左油塘成年幾, 都係第一次過去鯉魚門! (鬼叫我嫁左比個三步不出閨門既男人咩!)
初頭諗住霜霜去到見到咁多書一定好開心啦, 點知佢冇乜興趣睇書, 只係咁跑黎跑去, 擒上擒落及騷擾人地! 所以我地坐左一陣就走人lu!
返到去同霜霜練習顏色, 教黎教去佢都唔識, 令我開始懷疑佢係唔係色盲!
橙橙 2009-11-27 23:48
你講得無錯呀～打亂左佢個午睡時間，真係全日都好難tune 得番...最怕影響左夜晚訓覺時間!!
個圖書館好大好靚喎～不過日日都係ｋａ～o係屋企就睇書，去到圖書館實亂咁跑，可能地方大，又多野玩～唔會坐定睇書呢！
candy 2009-11-27 00:27
恐龍仔2009-11-27 13:44
佢係因為懶多d, 不過都有少少係因為佢經常戶外工作, 而且佢多數返夜, 所以我都冇太咋佢型, 橫豎我都唔鍾意行街, 只要耐不耐去下就OK! 你講得啱呀, 如果我唔駛返工, 假日都會想去街架!
不過講真, 帶住阿B去街確實幾麻煩, 而且要就佢午睡時間, 上次打針, 擾亂左佢午睡時間, 攪到佢半夜三點幾起左身, 要隔兩三日至可以回復番, 所以我地多數黃昏至出動.