阿仙奴與鳳凰城太陽

好耐無update過, 今日一講就講晒小弟而家最鍾意既兩支球隊, 就係英超既阿仙奴同nba既鳳凰城太陽............以前鍾意曼聯, 因為佢地既進攻足球好睇, 但既然而家佢地已經放棄左果種充滿激情既打法, 咁阿仙奴順理成章做左我頭號愛隊了.........太陽唔使講, 近年至愛既nba球隊, 主要係o係拿殊加入後, 佢地既全攻型小球戰術真係好好睇..............如此一來, 大家都明白到呢兩隊足球同籃球隊之所以深得我心, 就係因為打法悅目之原故...............

諗深一層, 兩隊既結構上面同樣有住好多相似既地方........首先就係兩隊都同樣有一位非常出色既指揮官壓陣, 令到球隊往往能將潛能發揮到極限..........阿仙奴今年最出位既正正係佢地既中場指揮官法比加斯, 今季聯賽只打到一半, 佢竟然已經取得超過10入球+10助攻, 稱得上係整個歐洲球壇上半季既MVP...........有佢在陣既時候, 成隊兵工廠都好似打高左一班波咁, 無論攻守上都係倚靠住呢位主將去連繫..........如果換左由藍斯去領軍既話, 球隊o係攻守轉換上明顯地會即時失衡, 球隊既威力亦自然大大減弱了..........

太陽既情況差唔多, 一直以黎都係靠控球後衛拿殊去策動所有攻勢, 幾乎每一次進攻都有佢既參與..............正因為咁, 當拿殊不在陣中時, 太陽即時變成一支平凡不過既球隊.............由於差別實在太大, 所以太陽到現時都未能取得nba總冠軍, 因為總不能要拿殊場場都打足48分鐘吧.........而且當對手針對性地迫拿殊射波而唔俾佢作出助攻時, 佢既體力將會進一步被消枆, 而且其他隊員只慬接應佢既助攻, 但就無法反助攻給拿殊, 自然令對手更易防範了........

講到其他既隊員, 兩隊亦有相近之處.............先講番阿仙奴, 由法比仔於中場領軍, 而前線既主力得分點就係雲佩斯了........雲佩斯並非柱躉型中鋒, 但左右腳皆能開弓加上走位靈活及入楔準確, 令佢能成為一流既射手..........而另一個有份量既前線球員就係艾沙雲, 佢能傳能射既球風能為法比仔及雲佩斯製造機會, 自己亦能爭取入球, 係集兩者優點於一身既中前場球員.........可惜既係佢狀態極度飄忽, 可以入紅軍4球, 亦可以全場隱形, 所以真係估佢唔到.........

另一邊太陽情況亦一樣, 大多用史杜達米亞為第一得分點, 事實上佢同拿殊亦的確配合無間, 尤其係快攻同pick n roll都係太陽主要以佢地兩人為樞紐既戰術, A米既得分能力正好大派用場.............另一方面, 李察臣既作用亦等同阿仙奴既艾沙雲, 自己得分既同時亦為隊友製造機會..........但佢時好時壞既狀態亦跟沙皇一樣, 一場可羅30+分, 一場又突然可以10射1中, 一樣係難以估計既球員黎.........

由此可見, 兩隊作風近似既球隊都缺少左奪取冠軍既其中一樣重要原素, 就係穩定既表現以及攻守平衡既陣型..........所謂好睇唔好食, 阿仙奴同太陽再咁樣落去既話, 要羅冠軍真係唔易............但問題係, 如果佢地為羅冠軍而夾硬改變主攻風格既話, 那隊就已不是阿仙奴或太陽了............作為球迷, 自然鍾意睇崇尚攻擊既比賽, 但假如阿仙奴同太陽都無法以現有既陣容同打法去取得最終勝利既話, 小弟真係會覺得相當可惜呢.........只能說一句, 車路士同聖安東尼奧馬刺這種沉悶但實際既球隊, 先至係最實際既冠軍級人馬.............否則你就要好似巴塞隆拿或克里夫蘭騎士咁, 擁有美斯同勒邦占士這類超級球星在陣了................