曼聯要奧雲幹什麼???

當我得知前利物浦金童奧雲將會加盟曼聯的時候, 同好多球迷一樣呆左一呆, 腦中只閃出了一句說話: 曼聯要奧雲來幹什麼?? 是錢太多花不完的後遺症嗎???

無可否認, 奧雲曾是英格蘭甚至係世界上最好既前鋒, 尤其係2000年初, 其驚人既速度可以話係天才朗拿度之後世界上跑得最快既足球員…..如果曼聯係o係當時將呢個2001年歐洲足球先生買入, 相信無人會反對吧…..

但是, 奧雲近年傷患纏身, 已經無左藉日如風似電既速度……..雖然佢既射術仍有一定保證, 但o係紐卡素時大家都可見到佢在場上既發揮同專注力, 遠不如表現拼搏, 鬥心一流既馬田斯, 亦不及他在國家隊時既表現…….見到紐卡素降班, 我覺得佢好似漠不關心咁, 只慬為自己的前途著想………這樣自私的人, 兼且幾乎打1場要抖幾場, 仲要黎做咩野呢???

當然, 費sir做既決定自然有佢自己既想法……..但諗深一層, 曼聯似乎在做緊降格收購……無左世界頂級既c朗, 就搵個o係弱隊韋根先叫做有點光芒既華倫西亞番黎; 無左體能好, 爛打兼後生既迪維斯, 就搵個年紀大, 機器壞既奧雲番黎……人地皇馬果邊下下搵世界最好既球員, 你曼聯就諗住用二打六剝人牙較……我反對皇馬既瘋狂收購, 但亦唔贊成曼聯既孤寒作風…….作為歐洲頂級大球會, 唔需要個個係一等一球星, 但都要搵番一兩個擔大旗吧…….

再係咁落去, 可以預期曼聯o係黎緊既球季將會俾紅軍壓得抖不過氣, 而歐聯上亦不會係皇馬或巴塞既對手……..除非費sir能加碼, 買番個列貝利或阿古路番黎, 咁都重有價講, 否則佢地即使仍能取得英超冠軍, 但星味全無既球隊仍係球迷不能接受的……