曼熱聖誕(D1)披星出發

聖誕日，天未光，朝早4時剷醒豬仔飽，出發去機場！豬仔飽都好合作，我o地同佢講：「起身去坐飛機啦！」佢就好快起身，然後不停講：「坐飛機！坐飛機！坐飛機！」

去到機場，豬仔飽不知幾生猛，周圍走，周圍搞.........

見到佢最鍾意o既.............麵麵！傻豬，冇得食o架！

0740準備上機啦！行快d！行快d！

我o地就係坐呢隻國泰機啦！

o係機上，豬仔飽冇扭計，好乖，只係搞o下個電視、搞o下d雜誌，搞o下搞o下，仲瞓埋覺添..........

瞓醒之後，就已經到o左廿幾三十度熱辣辣o既曼谷啦！記得出發時香港仲好凍，得十五度左右！o黎到Bangkok，一落機，就嗱嗱聲要除o左仔件厚褸啦！

沙話 dee cup，聖誕快樂！

一如以往 (即係未有豬仔飽o既以往！) 今次我o地都係住 apartment，貪佢大d，又可煮食.............而呢間apartment叫Grande Centre Point ，近住 Grand Hyatt 同四面佛，幾方便！

我o地住41樓！

由於我o地坐早機，所以搞完一大輪，都只係一點幾！於是我o地出發去食 lunch！基本上，第一日都唔會去得遠，只係o係酒店附近o既百貨公司行o下、食o下！

豬仔飽都樂在其中！(當然要隨身帶備佢o既至愛啦！)

邊食邊玩，仲有創意到將餐廳 o既menu 當 tunnel！

好似想連自己都捐埋入去............

閒逛o左半日，返到酒店，豬仔飽又走o黎走去，冇時停！時而走去窗邊睇車車、睇火車(其實係空鐵！)，

一時又走去 colouring........

colouring...........

一時又走去搞o下電話...........

總之，o係酒店入面，豬仔飽有玩唔完o既玩意！

不過，始終呢一日早o左起身，豬仔飽一沖完涼，食埋支奶奶，就瞓到z z z z z z