虛驚一場

尋日個電腦無啦啦熄機, 跟住按極power制都無反應, 心諗....部電腦唔通真係打柴, 真係係時候買過部新機, 其實心係有 d 不甘o架, 於是今朝又試下開唔開到機, 按o左個power制, 今次有d 反應, 起碼部機入面d 靈件有運作先, 不過電腦著o左紅燈, 我諗唔通入面有o野壞o左, 唉...都係拎定部電腦出o黎攞去整, 淨係睇到 d 電線就煩...拎o左部電腦出o黎....望住個電腦.....諗諗下, 不如睇下個電腦入面係咪好多塵, 睇下清o左 d 塵之後部電係咪一樣開唔到先得, 於是又搞o左一輪....跟住又插過哂d 線....乜都搞好之開再開機.....e......個電腦開到喎..不過個mon.無反應.....再check下邊度出錯, 原來有條線漏o左插, 跟住再插返又一切正常喎!!! 真係虛驚一場, 仲諗住今次真係壞機, 聽日拎部機去整, 如果仲唔得就砌過部新機, 依家無事又可以慳返d 錢, 真係開心!!!  機呀..機呀...你生性d, 係咁 e 都捱多兩, 三年啦, 到時你真係捱唔到...我都會放你一馬... 等你長休, 唔再留你o架喇, 正所謂: 好o黎好去呀麻!!!  幫幫手啦電腦大人~~~~