開森背後

大成功!

上回講到梁森4歲生日既最大目標(其實係May媽媽同森爸至真)就係~戒奶樽~

終於喺開完生日會嗰晚就成功咗喇!

雖然都一如所料有少少扭計同埋少少眼淚,

但總算大成功~哇~真係好開心呀!

不過開心既背後May媽媽都流過幾滴眼淚,

皆因May媽媽覺得大人要戒煙戒酒戒賭都唔係一朝一夕,

更何況梁森只係一個4歲既小朋友就要面對由出世一直陪伴佢長大既好朋友奶樽突然喺一夜間消失既事實,

嗰種感覺都真係幾慘咁呀~~~~~

所以有心想戒乜戒物既朋友唔好再俾籍口自己,

因為一個只係4歲既小朋友都得唔通你哋唔得!吓!吓!吓!吓!吓!

不過戒完奶樽既第二日梁森就開始發燒,

就連正日生日都要靜靜哋喺屋企切生日蛋糕～

而且今次梁森病同平時好唔同皆因除咗發燒外就冇其他流鼻水咳肚痛喉嚨痛等症狀,

只係齋燒,

令到May媽媽以為梁森太掛住啲奶樽而發燒,

就好似啲人失戀後太掛住愛人而病咗咁!!!!

睇咗醫生先知道原來係細菌感染喉嚨發炎所至.

雖然最後都知道梁森並唔係因為啲奶樽而病,

但都令May媽媽有啲內疚,

因為要梁森同一時間面對兩種挑戰實在好殘忍呀!

不過梁森既生日願望就令May媽媽好感動,

因為佢話想梁森同媽媽都快啲好番喎!(所講既係May媽媽之前做手術既事呀!)

^_^