森屋入伙

最近發生了一件好開心既事同一件傷感既事:

開心既係終於都搬好屋執好野而且新家感覺好好,

亦替梁森開心因為終於可以擁有自己第一間房,

雖然起初都擔心佢唔肯自己瞓但第一晚就叫住要返自己房瞓當時真係覺得佢突然大個仔咗!

而且唔知點解梁森住咗新屋之後十二點前就瞓覺朝早九點左右就起身比起以前健康好多,

可能係新屋清靜好多起碼半夜再冇因為啲飛車黨死氣喉塞咗啲嘈雜聲而令兩隻狗狗又癲埋一份吠吠吠大合奏.

亦因為咁梁森瞓得好咗所以都長肉咗長高咗May媽媽都開心咗!

至於傷感既係因為為咗生仔而喺日本返嚟香港住咗半年既妹妹終於都湊住個仔返番日本喇!

雖然呢個妹好七八年前開始去澳洲讀書再跟老公去咗日本都冇乜日子喺香港住所以都慣晒,

但因為佢生完仔都未完全適應到做媽咪既生活又話要返日本自己一個一手一腳湊仔有啲擔心咁解啫!

期待年多後佢哋一家三口返嚟探親不過相信到時候小表弟可能會同梁森講日文了!

掛念你小妹妹和小表弟呢!

祝你們一家三口每日都快快樂樂地過!