森哥！您好！

由於森爸好想教識梁森自己踩三輪車所以喺啱啱既星期日家庭日就去咗九龍城公園玩，

起初叫梁森自己踩踩踩佢都有啲驚但踩咗幾吓覺得好有控制慾之後就示意May媽媽唔駛再推佢終於好快咁就可以自己揸車周圍去；

森爸最近亦教識一向坐喺廁所尿尿既梁森企度尿尿，

雖然因為高度問題經常滴濕地地但森爸就會唱嘜兜隻歌俾佢聽：爸爸教你怎樣小便～教你怎樣小便～以後咪滴濕逹地～

梁森近日更經常好想幫伯娘手抱唐妹氹唐妹同餵唐妹食奶；

仲有出街時更成日唔肯俾人拖住要自己行仲要將雙手插喺衫袋或者褲袋扮有型；

仲仲有就係當May媽媽同森爸想飲凍野時梁森就會話：咳咳唔好飲呀！

以上種種行為發現梁森已開始進入小朋友階段而再唔係May媽媽口中既梁森BB喇！

唔通做咗人唐阿哥真係唔同啲大個仔啲！

唔知梁森會唔會有一日突然同May媽媽講：媽媽，梁森拍拖喇，女朋友個名叫Veantliane Shean呀！係嗰日喺遊樂場識架！