網誌分類：有森事 |
還有一個多星期，May媽媽便開始全職媽媽生涯，我等了這一天已等了年多，終於能夠實現真的很開心，特別鳴謝森爸的成全．
不過要煩的事真的多的是，首先這邊廂在公司要快速進行工作移交儀式，那邊廂便開始我的全職媽媽大計．
放假後，第一件要做的事，便是要調較好梁森的睡覺時間，目標是由現在的十二時多（有時是一時多），調早到十一時多，然後再調早到十時多，因為專家話跟隨生理時鐘睡覺的小孩才會快高長大．
第二件事是要親自為梁森定餐單，及去街市買新鮮餸菜給梁森吃．因為現居與街市都有一段距離，所以家中佣人多數都只往鄰近的小型超市買餸，除了不夠新鮮外，選擇亦很少，價錢也不平呢！
第三件事是要開始替梁森找幼兒園或學前遊戲班．
雖然May媽媽在某程度上其實不太讚成太早讓小朋友上學，因為怕他們太早有壓力，因為怕他們辛苦，因為怕他們會不停病．
但原來我的思想已落後，除了因為交叉感染疾病這個問題沒法解決之外，聽很多媽咪報道所知，其實現代的幼兒園都是著重啟發教育，而非May媽媽年代的田鴨式教育．所以現在的小朋友都很愛上學，曾聽說有家長無啦啦替小朋友請假，小朋友很不開心，還投訴家長，真的真有其事，而且發生在幼稚園期間．
至於辛苦否？則要看看家長如何替小朋友安排時間與課程了！因為有些家長朋友除了讓自家小朋友上課外，每每還替小朋友報讀很多不同類型的課外活動，莫說小朋友，換轉是大人，若然老闆叫加班都覺得辛苦啦！
所以替梁森研究選擇何等的學習班，真的花了很多時間，但大前題一定會以趣味啟發為主．
而第四件事是要每天帶梁森去公園玩，因為這對梁森的健康與身體發展有莫大益處．
第五件事是要定期帶梁森去圖書館看書，除了能培養梁森的閱讀興趣外，May媽媽亦可借機多看點書呢！
其實還有很多很多事正在安排當中，不過這五點是較為重要的．
除了梁森之外，其實May媽媽自家都有一大籮事想做．．．還是留待下次再說吧！
abby and my lovely coffee 未有任何已發表的網誌
^ Jacqueline ^ 2006-05-06 13:31
may媽媽 2006-05-05 01:49
其實May媽媽細個都好想學琴,
自我覺得琴聲係眾多樂器當中聲音最靚既一種,
好可惜細個家境清貧,所以只係學過吓咁咋,
所以我都好想梁森學琴,
但絕對唔會迫佢.
^ Jacqueline ^ 2006-04-29 16:45
一於學彈琴 la, 彈琴可以培養藝術氣質，而且係咁多樂器之中最複雜的，可以訓練視譜、聽音，仲係雙手並用的樂器，我都有學嫁。多D訓練左手，比成日用右手好，可以訓練右腦，會在創意、藝術、語文基礎同思考能力上有好大的幫助。就算佢大左之後想學其他樂器，視譜方面一定無問題，因為鋼琴要同時看兩行譜，但好多其他的樂器只是看一行。我三歲就學琴，到宜家都一樣咁鍾意，不過小學開始接觸唱歌，宜家更鍾意唱歌，唱歌看一行譜，真係易過借火。而且接觸音樂對舞蹈都會有幫助，因為節奏感會好強嫁。
有樣野好遺憾無學到，就係體操，我諗有學的話，我的骨頭現在就不會好似老人家咁硬哂。我見好多小朋友學左體操之後會定性D，唔好通屋亂跑，而且可以當運動，病痛都少D，行步路都唔會咁容易跌親。我見佢地好鍾意玩體操，唔會有壓力，話好玩過去公園玩滑梯，我心諗係唔係嫁。不過，我真係見過小朋友學左體操之後會自信左。其實，我認為小朋友有專長會更有自信，我都係學左唱歌先至有自信左，我覺得因往小朋友的興趣比佢學D課外活動，對佢地身心成長都有好處，不過一樣起兩樣止就夠了。
abby 2006-04-28 15:19
wakkaa...比我無意發現你個 blog 呀...
森仔出世後..你真的已經變了許多..
Yeeming 2006-04-28 12:34
小朋友的睡覺習慣是要訓練的，有人說首先set好每天的起床時間，如八時，總之一定要起身，就算佢嗌倦都要起身，咁就逼佢可以早些睡。
小旭每天都要返育嬰院，總之七時多就叫佢起身，佢就會聽話起身。我估set target應有用的。
may媽媽 2006-04-28 12:03
因為梁森每晚都好想等埋爸爸返屋企玩一陣先瞓覺，
但唔知點解爸爸間公司成日都要咁夜收，
所以等吓等吓，三年又三年，三年又三年，
咪搞到咁夜瞓囉！
舒展超 2006-04-28 03:25
細路仔點可以咁夜瞓？有冇搞錯？十二點幾一點瞓？
我細個時，阿媽要我八點鐘瞓架！小學先可以九點瞓！
真係世風日下！
日本の子供たちの香港人英語先生です。 2006-04-27 07:53
0華!0甘有計画０既！写個0力字比你！我就成日依頼阿Ken去決定大大小小0既事情、我就開開心心0既去過毎一天。
係呀！生理時鐘睡覺係好D o家、我0既友達都係0甘講。快D調較好森くん0既睡覺時間0那、如何0吾係第日要返学就難搞0羅!
其実親子班都幾好、可以讓小朋友習慣0下同0吾同0既小朋友去一斉学習団体生活。媽媽与媽媽之間又可以交流一下。参加kumon(公文)呀！D材料幾好！
日本の子供たちの香港人英語先生です。 2006-04-27 07:53
0華!0甘有計画０既！写個0力字比你！我就成日依頼阿Ken去決定大大小小0既事情、我就開開心心0既去過毎一天。
係呀！生理時鐘睡覺係好D o家、我0既友達都係0甘講。快D調較好森くん0既睡覺時間0那、如何0吾係第日要返学就難搞0羅!
其実親子班都幾好、可以讓小朋友習慣0下同0吾同0既小朋友去一斉学習団体生活。媽媽与媽媽之間又可以交流一下。参加kumon(公文)呀！D材料幾好！