扁扁，DDa 個狗牌

亞扁媽媽仍未能登入自己部落
http://hk.myblog.yahoo.com/ahbean-mama
暫以 May-Ste 一卜兩戶會狗友

扁媽電郵地址：
ahbeanmama@gmail.com

 13386, 13399
 
呢兩個係大小不良 個 d 狗號碼！

 
第日會植入晶片，
有埋 call 到呢 d 號碼既 doggie talkie 就好咯！
 
 

亞扁 E+ 係鄰居名下寵物，
佢個狗牌就掛在我個鎖匙扣，
因為佢矮，
掛住個牌會似監犯鎖左腳鐐，
dd 就好神氣咁掛住個牌周街走；
只要知道牌主不同，
而狗隻又並非作繁殖用途，
佢地懶理兩狗在同一屋簷下！
 

首次領牌每狗一隻大牛，
以後就每狗每年三舊，
好在做左公公，
可以免收第二同第三年牌費，
四隻蛋蛋總值千二銀，
合計港紙成千四咖！
 

之前好多人都好似我咁等年尾至領牌，
條例話明年底前辦妥嘛，
咁趕做咩呢？
就係咁，
數極都只有六隻狗領左牌，
地方官交唔到差，
連最起碼既印刷費都未搵番，
於是到各大屋苑向管理處施壓，
原來條例寫明執法不到位會被罰五千，
狗主至罰兩千，
而公安亦如管理處一樣齊齊罰五千，
嚇到管理處出盡小動作向狗主施壓，
例如晚上十點拍門送份表格等！
 

 

終於的起心肝幫佢地影証件相，
要曬 2R，
又要我的埋個鄰居一齊去影証件相，
仲要帶埋兩兄弟去獸醫站俾老油條獸醫驗明正身，
一切文件辦妥後公安局至發入數紙俾我去銀行獻金，
煩足兩日終於領到一本証件同一面狗牌！
 
佢地 E+ 有居留權好安全，
個亞媽散左財亦好安樂喇！