扁媽好介紹 - 【補血安眠 】篇

亞扁媽媽仍未能登入自己部落
http://hk.myblog.yahoo.com/ahbean-mama
暫以 May-Ste 一卜兩戶會狗友

扁媽電郵地址：
ahbeanmama@gmail.com

扁媽好介紹 -【補血安眠】篇

dda，「媽媽，悶啊！」

 
       
 
媽媽，「出太陽喇，去騎樓睇花園啦！」

 
       
 
99 出晒騎樓我至可以安安樂樂睇湯譜；
想有覺好訓當然要睇【補血安眠】篇，
簡單又唔殺生只得一味糖水，
就係我鐘意飲既寄生麥冬雞蛋茶！

 
       
 
覆診時問下靚女中醫飲唔飲得先，
上次佢聽見我話食左三大個山竺無晒表情，
原來山竺好寒涼呢個阿婆唔受得！
 
次次我偷食炸魚都被自己手脈出賣，
佢把脈把出唔對勁會問呢幾日有咩唔同，
聽到我從實招來時佢個樣會好失望，
我當然就覺得好內咎。
 
點知佢搵到方法對付我喇，
送本煲湯書俾我，
一來飲左有益，
二來忙於煲湯會少左時間去偷食！
 
書內有湯水材料之性質及功效，
呢樣又幾值得學，
得閒揭揭對健康有益。
 

 
作者關之義中醫師原來大有來頭，
除了在中國國醫學院得到正規培訓外，
佢生於中醫世家，
醫師祖父係啟蒙老師，
父親(廣州已故名醫關天相)係臨床導師，
幼承庭訓，
在醫德及行醫心得方面有非一般的體驗。
 
雖然我仍未有幸得到關醫師診脈，
E+令我日日一大劑既靚女中醫師鄧聰醫師係佢姨甥女兼弟子，
名師出高徒，
鄧聰醫師同樣走關醫師的路，
讀醫時每有假期就跟在舅父身邊接受臨床培訓，
所以年紀輕輕就表現老練，
把脈甚有姿勢更有實際，
針炙眼界奇準針針正中紅心，
時刻透出來的責任感令病人信任同放心！
 
各位準父母網友們，
人材真係要培養咖，
鄧聰寫得一手好字，
原來細細個就學書畫，
寫字畫畫除左訓練耐性，
其實係中醫既行醫技能之一，
佢細時又有邊個估到佢 E+ 用電腦開藥方？
 
我無啦啦因為牙齦發炎睇西醫食抗生素，
跟手去中醫部以為兩劑飲苦茶清下底，
咁就變左日日一大劑既調理，
都唔知係鄧聰叻定係我夠眼光咯！
 
中藥調理的確有長遠好處，
又真係幾值既，
即使起效慢，
飲左三幾劑之後我就知道走唔甩，
於是的起心肝幫自己起下 d 蹟。
 
E+ 晚晚飲藥，
睇脈居然睇到有書送添！