扁媽快訊 - dd 無左執眼睫毛

      亞扁媽媽仍未能登入自己部落
      暫以 May-Ste 一卜兩戶會狗友

                 扁媽快訊 - dd 無左執眼睫毛
 
周六同感冒大戰之際，
矇矓中聽到大小不良在客廳大戰，
被困家中 48 小時後當然精力過剩，
加上打風天氣異常，
呢 d 係極正常現象！
 
但今次後果又極不正常，
dd 居然輸左執眼睫毛，
奇哉！
 
話說戰勝病魔後快快出廳親子，
亞扁超得戚夾嗲，
湧倒埋黎扭抱，平時佢唔多興咖喎？！

反為最嗲既 dd 就窒住窒住，
精明既媽媽當然睇到勢色唔對，
體檢結果：
哈哈，dd 被哥哥咬甩左執眼睫毛！

巡查案發現場之後，
懷疑案發經過係 dd 有樣學樣，
在亞扁平時發脾氣賴尿既地氈仔殊殊，
咁明搶地盤又難怪亞扁發威！
 
其實唔使懷疑，
亞扁無可能有咁大泡尿，
而且佢會擺明係發脾氣，
會好招積咁遞起後腳射，
周圍都會有滴滴仔，
所以一睇就知非亞扁犯案腳法，
dd 當然水洗都唔清啦！
 
自細就有兩排長密眼睫毛既 dd，
為左呢泡尿就咁破左相，
希望佢快 d 生番執毛，
E+ 見佢眼斬斬時總係怪怪地，
好在佢地打完又唔記得晒