多多節目的一天

今日算係最忙碌的一天，不過亦係最愉快的一天，因為今日安排左好多節目比我同肥仔囉

首先一起身就入左新居擺底左d嘢先，因為正在趕工為免阻住d師傅所以無影相。

之後就同專業攝影師賢兄去左白石BBQ，好耐無BBQ喇，自從冬天過去之後都無BBQ LU，所以襯今日响無太陽而又無落雨既天氣之下我哋搞左個BBQ聚會，仲約定下次我哋入大埔燒添。賢兄我哋約定你架喇，就你時間幾時ok喇。
　　　

　　　　　　　　　

大家知唔知依度係邊嚟既呢？係唔係大尾篤果條壩呢？

　
　　　　

我哋因為人少少，所以嘢食都唔敢買得太多，可能太耐無去白石燒喇，取食物既方式已經同以前唔同左lu。。。。。

燒完嘢食後我哋又要趕下場，因為屋企人約左去西貢食海鮮。。。。，海鮮完全係我既至愛


　　　
　　　　　　　　

海鮮除左係我既至愛亦都係MO仔既‘飛佛’，大家睇吓mo仔等食個樣

西貢都有幾擋海鮮擋，我哋就揀左依間~~~~


                                        
　　　　　       

        
 
 
  　       
 　　　　　    
真係好美味，原來依間嘢係蔡瀾推薦架，唔怪得有番咁上下水準喇，可以既話真係想食多幾次。

食飽之後，阿mo開始無乜心機，因為無得再食？mo仔唔好咁喇，下次我哋再嚟食過喇。。。最好叫你老竇請我食喇

但係阿mo你好似已經成日都入嚟西貢玩架喇喎，好似仲成日都食海鮮仲想點呀？？玩吓手我都無你食得咁多吖，衰豬仔　　
　　　　　　

之後我哋去埋西貢滿記食甜品，真係飽到不得了，慘喇。。。。咁食法我個肚腩又再大左幾吋喇，真係一個肥師奶囉