the new start~can i

可能每個人都會有自己的願望
但要做到的話可能真係好難
昨天睇左一個朋友的日記 發覺我同佢真係某方面都好似
但或許佢既性格應該比我好 (我覺得)
因為面對的事都差不多 煩既野又一樣
其實係短短的日子入面 新的事
真的令我無法去肯定任何野啦
因為一開始以為自己可以 但後來發覺只係自己太傻
出面既世界原來比我心目中的世界相距得好遠
一瞬間 真係無法去調節心理
可以講根本面對唔到 舒解唔到
但咁樣已經影響左我既人生啦
到左呢一刻我重未可以放低可怕既陰影
就好似一個印記 一個無法刷去既印記
也不知道會維持幾耐 一日, 一星期,一年 ….或許無了期
最痛的莫過於自己內心既恐懼
因為唔係咁易就可以調節到 真係唔易
如果一直都調節唔到的話 就真係會有事
或者真係要專業人士幫助啦
因為係我心目中的恐懼一直無離開過我
上一份既工作真係令我第一次面對什麼是我無法面對的
加上屋企又有問題發生左 所以一定要搵野做
講真呀我真係好唔捨得同一班相處得咁開心既朋友仔分開
沒有了他們原來真係會無咁開心架
但無辦法 因為太多問題
雖然我而GA又返左一份新工
是係我的母校當一位小文員
對於人地來講 會認為我應該好熟悉但並不是
離開了2年 我忘記得真係好徹底 可能我記憶容量真係好少
其實好陌生 而且係我內心之前的陰影未消除 又要面對新的
所以有時候內心總會覺得唔得 想放棄
我恨自己點解會咁樣唸野 ,唔通自己真係咁無用咩
唔知由幾時開始 我已經唔再係以前的自己
變得越來越悲觀 好難再有令我開懷大笑的事
現在知道原來自己係咁面對唔到一切
真的好想可以放低 幾時先學得識呢樣野
新既工作返左4日 其實老實講真係未適應
現在的心態係未做已經否定左自己唔得 幾時我先會唔再有咁既唸法呢
希望我可以做到 要做一個有用的人
我知道身邊有好多人支持我ga~
所以要撐住 唔可以讓自己咁易就放棄
加油加油a~
在辛苦中的人 努力中的人都要一齊加油努力a