網誌分類：妹妹 出世首月 |
因為老公今日要番工,所以我叫咗亞媽同我去屯門E院!
9:00AM帶妹妹番到去,姑娘就同妹妹磅重,2.195KG=4.84磅,重咗35G,即係我都湊得OK啦!跟住姑娘就同妹妹洗白白,姑娘話E生就嚟巡房問我見唔見E生,我見妹妹都就嚟出院我都未見過E生,咪見吓囉,姑娘叫我同媽咪出去等陣,等咗成個鐘有多至見到E生,E生話CHECK過晒妹妹健康無問題,CHECK過我個胎盤都無問題,CHECK唔到因為乜令到妹妹輕磅,跟住E生話妹妹今日出院,同埋會開D補品比妹妹食(維他命同埋鐵劑)!3個月後再番嚟CHECK!
同妹妹換好晒衫,姑娘就交番D文件比我至發現原來妹妹仲未打卡介苗,要等打針姑娘嚟打,又叫我出去等可能要個幾鐘之後至出得院,我再問姑娘E生話開D補品比妹妹,姑娘話E生無寫低喎,又要再CALL E生問清楚,可能要再晏多D至出得院,我問姑娘我可唔可以今晚至嚟接妹妹出院,姑娘話可以,所以我同媽咪走先,等到老公放工,我就同老公去接妹妹出院!
cool爆王 2009-08-12 17:22