妹妹開始扭抱

估唔到妹妹咁細個人仔就識得扭人抱!

出院第三日11/8/09,妹妹黃昏開始喊,又食咗奶,又唔係瀨臭臭,又唔係熱又唔係凍,跟住老公就抱起妹妹,好快就唔喊嘞!但係我到抱,妹妹就喊極都唔收聲!

老公問我點解我抱極妹妹都係喊,魚毛一,兩個月大嗰時又係一定要老公抱至收聲!問我係唔係專登o架?!大佬呀!我都唔想o架,我已經依足老公嘅抱法嚟抱,但係佢地都唔肯收聲,我都無計o架!

今日妹妹由5:00pm就開始喊,我唔抱佢睇吓佢會唔收聲,點知真係唔抱唔收聲!每次抱到佢瞓著,輕輕放番落床仔都比佢發現,又再喊過!好彩妹妹都係扭到最多十一點幾就瞓覺,其餘時間係肚仔餓至喊!